പാലക്കാട്: സിപിഐ ബ്രാഞ്ച്, ലോക്കൽ, മണ്ഡലം കമ്മിറ്റികളുടെ സെക്രട്ടറിമാർ, പ്രധാന പ്രവർത്തകർ എന്നിവരെ പങ്കെടുപ്പിച്ച് നേതൃത്വ നിർവഹണ-പരിശീലന ക്യാമ്പിന് കല്ലടിക്കോട് എ.കെ. ഹാളിൽ തുടക്കമായി. ജൂലൈ 13,14 ഇന്നും നാളെയുമായി നടക്കുന്ന ക്യാമ്പിൽ പാർട്ടി ശാക്തീകരണത്തിന്റെയും പ്രവർത്തന പദ്ധതികളുടെയും ഭാവി പരിപാടികൾ ചർച്ച ചെയ്യും.
ഉന്നതമായ രാഷ്ട്രീയവും ജനതാൽപ്പര്യവും അടിസ്ഥാനമാക്കി സ്ത്രീകൾക്കും, ആദിവാസികൾക്കുമിടയിൽ ക്ഷേമപ്രവർത്തനങ്ങൾ മെച്ചപ്പെട്ട രീതിയിൽ നടത്താനും സാമൂഹ്യ പുരോഗതിക്കായി പ്രവർത്തിക്കാനും നേതാക്കൾ ആഹ്വാനം ചെയ്തു.
ഭാവി പ്രവർത്തനങ്ങൾ, ചർച്ച, മറുപടി, സംഘടന റിപ്പോർട്ട് അവതരിപ്പിച്ചു. സി പി ഐ കോങ്ങാട് മണ്ഡലം സെക്രട്ടറി ചിന്നക്കുട്ടൻ, കെ.പ്രകാശ് ബാബു, രാജാജി മാത്യു തോമസ്, ശ്രീകുമാർ, സത്യൻ മൊകേരി, സി.പി മുരളി,കെ.പി.സുരേഷ് രാജ്, ജോസ് ബേബി തുടങ്ങിയ സിപിഐ ജില്ലാ-സംസ്ഥാന നേതാക്കൾ, ലീഡേഴ്സ് ക്യാമ്പിലെ വ്യത്യസ്ത സെഷനിൽ സംസാരിച്ചു.