കൂട്ടക്കുരുതികൾ ക്കെതിരെ 'ഹലോ ബ്രദർ' സാഹോദര്യ സംഗമം

പാലക്കാട്:  ന്യൂസിലാന്റിലും പുൽവാമയിലും നടന്ന കൂട്ടക്കുരുതികൾക്കെതിരെ ലോക മനസ്സാക്ഷി ഉണരണമെന്നാവശ്യപ്പെട്ട് എസ്.ഐ.ഒ ,ടീൻ ഇന്ത്യ, മലർവാടി യൂനിറ്റുകൾ സംയുക്തമായി മേപ്പറമ്പ് ജംഗ്ഷനിൽ 'ഹലോ ബ്രദർ' സാഹോദര്യ സംഗമം സംഘടിപ്പിച്ചു.

എസ്.ഐ.ഒ ജില്ലാ കമ്മിറ്റിയംഗം ഹാരിസ് നെന്മാറ ഉദ്ഘാടനം ചെയ്തു. മനുഷ്യത്വമുള്ള മുഴുവന്‍ മനുഷ്യരെയും ഞെട്ടിക്കുന്നതും അതീവ ദു:ഖകരവുമായ സംഭവങ്ങളാണിത്. ലവലേശം മനുഷ്യപ്പറ്റില്ലാത്ത ഒരുകൂട്ടം പൈശാചിക ശക്തികള്‍ ആസൂത്രണം ചെയ്ത ഈ കൂട്ടക്കുരുതികൾക്കെതിരെ ലോകത്തിന്റെ പ്രതിഷേധം ഒന്നിച്ചുയരേണ്ടിയിരിക്കുന്നു അദ്ദേഹം പറഞ്ഞു.

കോഡിനേറ്റർ ഹാരിസ് ആലത്തൂർ അധ്യക്ഷത വഹിച്ചു. കൺവീനർ മൻസൂർ നാലുവീട്ടിൽ, യൂണിറ്റ് പ്രസിഡണ്ട് ത്വാഹാ മുഹമ്മദ്, സെക്രട്ടറി സയ്യിദ് ഖുതുബ്, എ.സാബിത്, മുഹ്സിൻ എന്നിവർ നേതൃത്വം നൽകി.