കരിമ്പ: കരിമ്പ ഗവ. ഹയർ സെക്കന്ററി സ്കൂൾ വാർഷികവും വിരമിക്കുന്ന അധ്യാപകർക്കുള്ള യാത്രയയപ്പ് സമ്മേളനവും കരിമ്പ ഗ്രാമപഞ്ചായത്ത് പ്രസിഡന്റ് സി.കെ.ജയശ്രീ ഉദ്ഘാടനം ചെയ്തു. പൊതു വിദ്യാലയങ്ങളെ അന്താരാഷ്ട്ര നിലവാരത്തിലേക്ക് ഉയർത്തുന്നതിന്റെ ഭാഗമായി സംസ്ഥാന സർക്കാർ 3 കോടി രൂപ അനുവദിച്ചതിന്റെ ഔദ്യോഗിക പ്രഖ്യാപനം യോഗത്തിൽ നടത്തി.
ഭാസ്കരൻ. പി റിപ്പോർട്ട് അവതരിപ്പിച്ചു. വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ജയലക്ഷ്മി അധ്യക്ഷയായി.സേവനത്തിൽ നിന്നും വിരമിക്കുന്നവർക്ക് ഉപഹാരങ്ങൾ സമ്മാനിച്ചു. പഠനത്തിൽ മികവ് പുലർത്തിയ വിദ്യാർഥികളെയും കലാ കായികരംഗത്ത് തിളങ്ങിയവരെയും ആദരിച്ചു.
ജില്ലാ പഞ്ചായത്ത് മെമ്പർ അച്യുതൻനായർ,ബ്ലോക്ക് മെമ്പർ യുസുഫ്പാലക്കൽ,വാർഡ് മെമ്പർ മുഹമ്മദ്ഹാരിസ്,പിടിഎ പ്രസിഡന്റ് രവി,വൈസ് പ്രസിഡന്റ് ജാഫർഅലി,ശ്രീജ,റിൻഷ തുടങ്ങിയവർ പ്രസംഗിച്ചു. ഹയർ സെക്കന്ററി പ്രിൻസിപ്പൽ കുഞ്ഞുണ്ണി സ്വാഗതവും ഹെഡ്മിസ്ട്രസ്സ് ഗിരിജ.കെ നന്ദിയും പറഞ്ഞു. കുട്ടികളുടെ കലാവിരുന്നും ഉണ്ടായിരുന്നു