കെ സി ബി സി അധ്യാപക അവാർഡ് മാത്യു ചേപ്പനാംകുന്നേലിന്

കല്ലടിക്കോട്:  കേരളാ കാത്തലിക് ബിഷപ്സ് കൗൺസിൽ നല്കുന്ന മികച്ച അധ്യാപകർക്കുള്ള നടക്കൽ മെമ്മോറിയൽ പുരസ്‌ക്കാരത്തിന് സീറോ മലബാർ രൂപതകളിൽ നിന്ന് പാലക്കാട് രൂപതാംഗവും, കല്ലടിക്കോട് മേരി മാതാ സൺഡേ സ്കൂൾ പ്രധാന അധ്യാപകനുമായ മാത്യു ചേപ്പനാംകുന്നേൽ അർഹനായി.

തച്ചമ്പാറ ദേശ ബന്ധു ഹയർ സെക്കന്ററി സ്ക്കൂളിൽ പൊളിറ്റിക്കൽ സയൻസ് അധ്യാപകനായ മാത്യു ചേപ്പനാം കുന്നേൽ. നിലവിൽ ഹയർ സെക്കന്റി അധ്യാപക സംഘടനയായ AHSTA യുടെ സംസ്ഥാന സെക്രട്ടറിയാണ് .

കത്തോലിക്കാ കോൺഗ്രസ് പാലക്കാട് രൂപതാ ട്രഷറർ, ലഹരി വിരുദ്ധ സമിതി രൂപതാ പ്രസിഡൻറ് , റീജണൽ ഭാരവാഹി, രൂപതാ മതബോധന കൗൺസിൽ മെമ്പർ, രൂപതാ പാസ്റ്ററൽ കൗൺസിൽ അംഗം എന്ന നിലകളിലും മാത്യു ചേപ്പനാം കുന്നേൽ പ്രവർത്തിച്ചു വരുന്നു. ഡിസംബർ നാലിന്‌ എറണാകുലം പി.ഒ.സി.യിൽ വെച്ചാണ്‌ അവാർഡ് വിതരണം ചെയ്യുന്നത്.