തിരഞ്ഞെടുപ്പ് അർത്ഥപൂർണ്ണമാക്കാം. പ്രകൃതി സൗഹൃദ തിരഞ്ഞെടുപ്പ് വിളിച്ചോതി തെരുവുനാടകം

പാലക്കാട്:  പ്രകൃതിസൗഹൃദ-മാലിന്യ മുക്ത തെരഞ്ഞെടുപ്പ് ലക്ഷ്യമിട്ട് ജില്ലാ ശുചിത്വ മിഷന്റെ നേതൃത്വത്തില്‍ സിവില്‍ സ്റ്റേഷനു മുന്നില്‍ തെരുവ് നാടകം സംഘടിപ്പിച്ചു.

രവി തൈക്കാടിന്റെ സംവിധാനത്തില്‍ 'ഹരിത ഇലക്ഷന്‍-ഹരിത വോട്ട്' എന്ന മുദ്രാവാക്യത്തില്‍ റൈറ്റ് വിഷനാണ് തെരുവുനാടകം അവതരിപ്പിച്ചത്. പരിസ്ഥിതിയോടും വരും തലമുറയോടും കടപ്പാട് ഉള്ളവരാണ് ജനപ്രതിനിധികള്‍. അതിനാല്‍ തിരഞ്ഞെടുപ്പ് പ്രചരണത്തിന് ഫ്‌ളക്‌സുകളും പ്ലാസ്റ്റിക്കുകളും ഒഴിവാക്കി പ്രകൃതി സൗഹാര്‍ദ്ദ ഉത്പ്പന്നങ്ങള്‍ ഉപയോഗിക്കാന്‍ സന്നദ്ധരാവണമെന്നുള്ള സന്ദേശമാണ് നാടകം മുന്നോട്ടു വെക്കുന്നത്.

കോട്ടമൈതാനം, ഒലവക്കോട്, േസ്റ്റഡിയം സ്റ്റാന്റ് പരിസരം എന്നിവിടങ്ങളില്‍ ആദ്യദിവസം പ്രചരണം നടത്തി. ഹരിതകേരളം മിഷന്‍ ജില്ലാ കോ-ഓര്‍ഡിനേറ്റര്‍ വൈ . കല്യാണ കൃഷ്ണന്‍, ശുചിത്വമിഷന്‍ പ്രോഗ്രാം ഓഫീസര്‍ എ.ഷെറീഫ്, ഹറൂണ്‍ അലി, ദീപക്, രാഗേഷ് , സജീഷ്, പ്രജീഷ് എന്നിവര്‍ പരിപാടിയില്‍ പങ്കെടുത്തു.

ജില്ലയുടെ വിവിധ ഭാഗങ്ങളിൽ നാടകാവതരണം നടത്തി. ഇന്ന് ചിറ്റൂര്‍ അണിക്കോട്, തത്തമംഗലം ബസ്റ്റാന്റ്, കൊല്ലന്‍ങ്കോട് , നെന്മാറ എന്നിവിടങ്ങളിലും തെരുവ്നാടകം തുടരും.