ദുബായ്: ലോക ഒന്നാം നമ്പര് താരം സെര്ബിയയുടെ നൊവാക് ജോക്കോവിച്ച് ദുബായ് ഓപ്പണ് ടെന്നീസിന്റെ രണ്ടാം റൗണ്ടില് കടന്നു. ഒന്നാം സീഡായ ജോക്കോവിച്ച് ടുണീഷ്യന് താരം മാലക് ജാസിരിയെ നേരിട്ടുള്ള സെറ്റുകള്ക്ക് തകര്ത്താണ് മുന്നേറിയത്.
എതിരാളിയെ നാലു തവണ ബ്രേക്ക് ചെയ്ത ജോക്കോവിച്ച് ഏതാണ്ട് ഒരു മണിക്കൂറിനുള്ളില് മത്സരം ജയിച്ചു. സ്കോര്: 6-1, 6-2.
ദുബായില് അഞ്ചാം കിരീടം ലക്ഷ്യമിടുന്ന ജോക്കോവിച്ചിന്റെ അടുത്ത എതിരാളി ജര്മന് താരം ഫിലിപ്പ് കോള്സ്ക്രിബറാണ്. ഈജിപ്ഷ്യന് താരം മുഹമ്മദ് സഫ്വാത്തിനെ(4-6, 6-4, 6-0) തോല്പ്പിച്ചാണ് ഫിലിപ്പ് രണ്ടാം റൗണ്ടിലെത്തിയത്.