ന്യൂഡല്ഹി: നരേന്ദ്ര മോദി സര്ക്കാരിനെതിരേ രൂക്ഷ വിമര്ശനവുമായി ജമ്മു കാഷ്മീര് മുന് മുഖ്യമന്ത്രിയും പിഡിപി നേതാവുമായ മെഹബൂബ മുഫ്തിയുടെ മകള് ഇല്ത്തിജ മുഫ്തി രംഗത്ത്. യുഎസ് പ്രസിഡന്റ് ഡോണള്ഡ് ട്രംപിന്റെ ഇന്ത്യാ സന്ദര്ശന വേളയില് ഡല്ഹിയിലെ സംഘര്ഷവും കാഷ്മീരി ജനതയുടെ അവകാശങ്ങളും ഉയര്ത്തിക്കാണിച്ചാണ് ഇല്ത്തിജയുടെ ട്വിറ്ററിലൂടെയുള്ള വിമര്ശനം
ഡല്ഹി കത്തിയെരിയുമ്ബോഴും 80 ലക്ഷം കാഷ്മീരികള് അടിസ്ഥാന അവകാശങ്ങള്ക്കുവേണ്ടി പൊരാടുമ്ബോഴുമാണ് ഇവിടെ നമസ്തേ ട്രംപ് പോലുള്ള പരിപാടികള് അരങ്ങേറുന്നത്. വിദേശ പ്രമുഖര് സബര്മതി ആശ്രമം സന്ദര്ശിക്കാനെത്തുമ്ബോള് മാത്രമാണ് ചിലര് മഹാത്മാ ഗാന്ധിയെ ഓര്മ്മിക്കാറുള്ളത്. അല്ലാത്തപ്പോള് അദ്ദേഹത്തിന്റെ മൂല്യങ്ങളെ മറക്കുന്നുവെന്നും ഇല്ത്തിജ ട്വിറ്ററില് കുറിച്ചു.