അലിന് ജോസ് പെരേര തന്നെ ലൈംഗികമായി ചൂഷണം ചെയ്തെന്ന ഷോര്ട്ട് ഫിലിം നടി റിയയുടെ ആരോപണത്തിനു മറുപടിയുമായി അലിന്. അലിയേട്ടന്റെ പെണ്ണ് ആന്സി ഷോര്ട്ട് ഫിലിമിന്റെ ഡയറക്ടര് ബ്രൈറ്റും പ്രൊഡ്യൂസറും മറ്റ് താരങ്ങള്ക്കുമൊപ്പം മാധ്യമങ്ങളോടായിരുന്നു അലിന് സംസാരിച്ചത്.
''അടുത്ത ഷോര്ട്ട് ഫിലിമില് നായികയാക്കാന് തയാറാകാത്തതിന്റെ ദേഷ്യത്തിലാണ് റിയ വൈരാഗ്യത്തോടു കൂടി ആരോപണങ്ങള് പടച്ചുവിടുന്നത്. ഷൂട്ടിങ് സെറ്റില് വച്ചോ ഡബ്ബിങ് സ്ഥലത്ത് വച്ചോ ഒരിക്കല് പോലും അവരോട് മോശമായ രീതിയില് പെരുമാറിയിട്ടില്ല.
വൈറലായ തന്റെ പബ്ലിസിറ്റിയെ ചൂഷണം ചെയ്ത് തന്നെ ട്രാപ്പിലാക്കുക എന്ന ലക്ഷ്യമാണ് റിയയ്ക്കുള്ളത്. ഷോര്ട്ട് ഫിലിമിന്റെ ഷൂട്ട് കഴിഞ്ഞപ്പോള് ഒരുമിച്ച് ജീവിക്കാം, ഒളിച്ചോടിപ്പോകാം, 10 ലക്ഷം രൂപ സ്ത്രീധനം തരാം തുടങ്ങിയ ഓഫറുകളാണ് റിയ എന്റെ മുന്നില് വച്ചത്.
ഇരുപത്തിമൂന്ന് വയസ് മാത്രമുള്ള എനിക്ക് 39 വയസുള്ള കിളവിയായ അവരെ സ്വീകരിക്കാന് കഴിയില്ല. പലതവണ എന്നെ ലൈംഗികമായി പ്രലോഭിപ്പിക്കാന് റിയ ശ്രമിച്ചിരുന്നു. അതിനെയൊക്കെ അവഗണിച്ച് രക്ഷപ്പെടുകയാണ് ചെയ്തത്. ഫിലിമിന്റെ ഡയറക്ടര് ഒരിക്കല് പോലും റിയയുടെ അടുത്ത് മോശമായി പെരുമാറുകയുണ്ടായിട്ടില്ല.
ഇതെല്ലാം പബ്ലിസിറ്റി നേടുവാനുള്ള ശ്രമങ്ങളുടെ ഭാഗം മാത്രമാണ്. പെണ്ണിന്റെ വാക്കിന് സമൂഹം വലിയ വില കൊടുക്കുന്നതുകൊണ്ട് പോലീസിന്റെ ഇടി കിട്ടുമോ എന്നുള്ള ഭയം മാത്രമാണുള്ളത്. അല്ലാതെ റിയയുടെ ആരോപണങ്ങളില് ഒട്ടും ഭയമില്ല...'' - അലിന് ജോസ് പറഞ്ഞു.