അഹമ്മദാബാദ്: പാക്കിസ്ഥാന് വിട്ടയച്ച 100 ഇന്ത്യന് മത്സ്യത്തൊഴിലാളികള് നാട്ടില് തിരിച്ചെത്തി. ഗുജറാത്തില്നിന്നുള്ള മത്സ്യത്തൊഴിലാളികളാണ് നാട്ടില് തിരിച്ചെത്തിയത്. പാക്കിസ്ഥാനില്നിന്ന് അമൃത്സറില് എത്തിയ മത്സ്യത്തൊഴിലാളികള് ട്രെയിന് മാര്ഗം വഡോദരയില് എത്തി.
സമുദ്രാതിര്ത്തി ലംഘിച്ചെന്നാരോപിച്ചാണ് പാക് നാവിക സേന ഇവരെ തടവിലാക്കിയത്. തങ്ങളെ ഒരു ഇടുങ്ങിയ മുറിയിലാണ് പാര്പ്പിച്ചിരുന്നതെന്ന് വിട്ടയക്കപ്പെട്ട മത്സ്യത്തൊഴിലാളികളില് ഒരാളായ ബാബു പറഞ്ഞു.
ഇരുരാജ്യങ്ങളും തമ്മിലുള്ള സംഘര്ഷത്തിന്റെ സമയത്ത് തങ്ങളെ മുറിയില് അനങ്ങാന് സമ്മതിച്ചിരുന്നില്ലെന്നും അദ്ദേഹം പറഞ്ഞു.