പാക് അധീന കാശ്മീര്‍ ഇന്ത്യയുടെ ഭാഗം: ഒരുനാള്‍ ഇന്ത്യയുടെ കീഴിലാവുമെന്നാണ് പ്രതീക്ഷയെന്ന് വിദേശകാര്യ മന്ത്രി

ന്യൂഡല്‍ഹി: പാക് അധീന കാശ്മീര്‍ ഇന്ത്യയുടെ ഭാഗമാണെന്നും ഒരുനാള്‍ ഇന്ത്യയുടെ കീഴിലാവുമെന്നാണ് പ്രതീക്ഷയെന്നും വിദേശകാര്യ മന്ത്രി എസ്. ജയ്ശങ്കര്‍. പാക് അധീന കാശ്മീരിനെ കുറിച്ചുള്ള ഇന്ത്യയുടെ നിലപാടാണിതെന്നും അദ്ദേഹം വ്യക്തമാക്കി.

നല്ല ഒരു അയല്‍ബന്ധമാണ് ഇന്ത്യ ആഗ്രഹിക്കുന്നത്. പക്ഷേ, ഒരു അയല്‍രാജ്യത്ത് നിന്നും അതിന് വെല്ലുവിളി ഉയരുകയാണ്. അതിര്‍ത്തി കടന്നുള്ള ഭീകരവാദം അവസാനിപ്പിക്കാനും നല്ല അയല്‍ക്കാരായി മാറാനും ആ രാജ്യത്തിന് കഴിയാത്തിടത്തോളം വെല്ലുവിളി തുടരുക തന്നെ ചെയ്യും.

കാശ്മീരിലെ പ്രശ്നങ്ങള്‍ക്ക് കാരണം ആര്‍ട്ടിക്കിള്‍ 370 അല്ല. പാകിസ്താന്‍ പിന്തുണയോടെയുള്ള ഭീകരവാദമാണ്പ്രശ്നങ്ങള്‍ക്ക് പിന്നില്‍ ഒരു വിദേശനയം പോലെ അയല്‍രാജ്യത്തിന് നേരെ ഭീകരപ്രവര്‍ത്തനം നടത്തുന്ന മ​റ്റൊരു രാജ്യത്തെ ലോകത്ത് എവിടെയെങ്കിലും കാണാനാകുമോ എന്നും മന്ത്റി ജയ്ശങ്കര്‍ ചോദിച്ചു.