അട്ടപ്പാടി കൂടൻചാള ഊരിൽ ടെലിവിഷൻ എത്തിച്ചു നൽകി ഫ്രറ്റേണിറ്റി

പാലക്കാട്: വിദ്യാർത്ഥികൾക്ക് ഓൺലൈൻ പഠന സംവിധാനങ്ങളില്ലാത്ത അട്ടപ്പാടി കൂടൻചാള ഊരിലെ പൊതുപഠന കേന്ദ്രത്തിലേക്ക് ഫ്രറ്റേണിറ്റി മൂവ്മെൻ്റ് ടെലിവിഷൻ നൽകി. ജില്ല ജനറൽ സെക്രട്ടറി കെ.എം സാബിർ അഹ്സൻ ഈര് മൂപ്പത്തിക്ക് ടി.വി കൈമാറി.

ഐ.ടി.ഡി.പി പ്രൊജക്ട് ഓഫീസർ വാണിദാസ്,ട്രൈബൽ ഓഫീസർ അജീഷ്, ഫ്രറ്റേണിറ്റി ജില്ല വൈസ് പ്രസിഡൻറ് ഫിറോസ്.എഫ്.റഹ്മാൻ, വെൽഫെയർ പാർട്ടി മണ്ണാർക്കാട് മണ്ഡലം കമ്മിറ്റിയംഗം കെ.വി അമീർ, അബൂബക്കർ അട്ടപ്പാടി എന്നിവർ സംബന്ധിച്ചു.