പാലക്കാട്: വ്യാപാരികൾക്ക് നൽകിയ അമിതവൈദ്യുതി താരിഫ് കുറക്കുക, ലോക്ക് ഡൗൺ കാലത്ത് അടച്ചിട്ട കടകൾക്ക് നൽകിയ ബിൽ തുക പിൻവലിക്കുക തുടങ്ങിയ ആവശ്യങ്ങൾ ഉന്നയിച്ചു കൊണ്ട് കേരള ടെക്സ്റ്റൈയിൽസ് & ഗാർമെൻ്റ് അസോസിയേഷൻ മാർക്കറ്റ് റോഡിൽ നടത്തിയ പ്രതിഷേധ സമരം ജില്ല പ്രസിഡൻ്റ് എം.കുമാരൻ ഉദ്ഘാടനം ചെയ്തു.
വൈദ്യുതി ചാർജ്ജിനു പുറമെ കാലഹരണപ്പെട്ടു പോയ വാറ്റിൻ്റെ പേരിലും സർക്കാർ കച്ചവടക്കാരെ ബുദ്ധിമുട്ടിക്കുകയാണെന്നും സുതാര്യമായി കച്ചവടം ചെയ്യാനുള്ള സംവിധാനം നടപ്പാക്കണമെന്നും ഉദ്ഘാടന പ്രസംഗത്തിൽ അദ്ദേഹം ആവശ്യപ്പെട്ടു.സെക്രട്ടറി 'കെ.എസ്.സി റാജ്, രവി, എന്നിവർ സംസാരിച്ചു.