കൊച്ചി: കള്ളപ്പണം വെളുപ്പിച്ച കേസില് ഇബ്രാഹിംകുഞ്ഞിനെതിരേ അന്വേഷണം തുടരാമെന്നു ഹൈക്കോടതി. എന്ഫോഴ്സ്മെന്റ് ആവശ്യപ്പെടുന്ന വിവരങ്ങള് വിജിലന്സ് കൈമാറണമെന്നും കോടതി പറഞ്ഞു.
പാലാരിവട്ടം പാലം അഴിമതിയില്നിന്നു ലഭിച്ച പണമാണ് ഇതെന്നും ഇക്കാര്യത്തില് വിശദമായ അന്വേഷണം വേണമെന്നും ആവശ്യപ്പെട്ട് കളമശേരി സ്വദേശി ഗിരീഷ് ബാബുവാണു ഹൈക്കോടതിയെ സമീപിച്ചത്.
നോട്ട് നിരോധനകാലത്ത് ഇബ്രാഹിം കുഞ്ഞിന്റെ നിയന്ത്രണത്തിലുള്ള മാധ്യമസ്ഥാപനത്തിന്റെ രണ്ടു അക്കൗണ്ടുകള് വഴി പത്തുകോടി രൂപയുടെ കള്ളപ്പണം വെളുപ്പിച്ചെന്നാണു കേസ്. പരാതിയില് വിജിലന്സും എന്ഫോഴ്സ്മെന്റും അന്വേഷണം നടത്തുന്നുണ്ട്.