ചെന്നൈ: തമിഴ്നാട് വെല്ലൂരില് തിരഞ്ഞെടുപ്പ് റദ്ദാക്കിയതിന് പിന്നാലെ റെയ്ഡില് ആണ്ടിപ്പട്ടിയില് ടി.ടി.വി ദിനകരന്റെ പാര്ട്ടി ഓഫിസില് വന് കള്ളപ്പണ വേട്ട. വിതരണം ചെയ്യാന് വച്ച 1.48 കോടി രൂപ പിടിച്ചെടുത്തു. അമ്മ മക്കള് മുന്നേറ്റ കഴകം (എഎംഎംകെ) നേതാവിന്റെ വസതിയിലടക്കം റെയ്ഡ് തുടരുകയാണ്.
വാര്ഡ് നമ്ബറുകളും ഇവിടങ്ങളിലെ വോട്ടര്മാരുടെ എണ്ണവും എഴുതിയ 94 പൊതികളിലായാണ് പണം കണ്ടെടുത്തതെന്ന് ആദായ നികുതി വകുപ്പ് ഉദ്യോഗസ്ഥര് പറഞ്ഞു. ഓരോ വോട്ടര്മാര്ക്കും 300 രൂപ വീതം നല്കണമെന്നും പൊതികളില് രേഖപ്പെടുത്തിയിരുന്നതായും ആദായ നികുതി വകുപ്പ് ഉദ്യോഗസ്ഥര് വെളിപ്പെടുത്തി.
റെയ്ഡിനെത്തിയ ഉദ്യോഗസ്ഥരെ എഎംഎംകെ പ്രവര്ത്തകര് പ്രതിരോധിക്കാന് ശ്രമിച്ചത് സംഘര്ഷത്തിനു കാരണമായി. പോലീസ് ആകാശത്തേക്ക് നിറയൊഴിച്ചാണ് പ്രവര്ത്തകരെ പിരിച്ചുവിട്ടത്. എന്നാല് സംഭവത്തില് ആര്ക്കും പരിക്കില്ല.
തിരഞ്ഞെടുപ്പ് റദ്ദാക്കുമോ എന്ന് ആശങ്കയിലാണ് രാഷ്ട്രീയ പാര്ട്ടികള്. സുരക്ഷ ശക്തമാക്കുമ്ബോഴും തമിഴ്നാട്ടില് വിവിധയിടങ്ങളില് വോട്ടര്മാര്ക്ക് പണം വിതരണം ചെയ്യുന്ന ദൃശ്യങ്ങളും പുറത്തുവന്നു.