പോര്ട്ട് ഓഫ് സ്പെയിന് : ഇന്ത്യന് ക്രിക്കറ്റ് ടീം മാനേജര് സുനില് സുബ്രഹ്മണ്യത്തിനെതിരെ അച്ചടക്ക നടപടിയുമായി ബിസിസിഐ. ട്രിനിഡാഡിലെ ഇന്ത്യന് ഹൈക്കമ്മീഷന് ഉദ്യോഗസ്ഥരോട്, അപമര്യാദയായി പെരുമാറിയതിനാണ് നടപടി. ടീമിന്റെ വെസ്റ്റ് ഇന്ഡീസ് പര്യടനത്തിനിടെയായിരുന്നു സംഭവം.
ജലസംരക്ഷണത്തെ കുറിച്ച്, ഇന്ത്യന് താരങ്ങള് പങ്കെടുക്കുന്ന പരസ്യത്തിന്റെ ചിത്രീകരണത്തിനുള്ള ക്രമീകരണങ്ങള് ചെയ്യണമെന്ന് സുബ്രമണ്യത്തെ സര്ക്കാര് അറിയിച്ചിരുന്നു. എന്നാല് തന്നെ ശല്യപ്പെടുത്തരുതെന്നാണ്, ഹൈക്കമ്മീഷന് ഉദ്യോഗസ്ഥരോട് സുനില് സുബ്രഹ്മണ്യം നല്കിയ മറുപടി.
സര്ക്കാര് ബിസിസിഐയെ അതൃപ്തി അറിയിച്ചതോടെ , ഇടക്കാല ഭരണസമിതി അധ്യക്ഷന് വിനോദ് റായി സംഭവത്തില് ഇടപെടുകയായിരുന്നു. സുബ്രമണ്യവുമായുള്ള കരാര് നീട്ടേണ്ടെന്ന്, വിനോദ് റായി നിര്ദേശിച്ചതായാണ് സൂചനകള്.