ഭുവനേശ്വര്: അടുത്ത വര്ഷത്തെ ടോക്കിയോ ഒളിംപിക്സ് ഹോക്കിയില് ഇന്ത്യന് വനിതകള്ക്ക് യോഗ്യത. യോഗ്യതാ മത്സരത്തില് യുഎസ്എയെ 6-5ന്റെ അഗ്രഗേറ്റ് സ്കോറില് തോല്പ്പിച്ചാണ് ഇന്ത്യ ഒളിംപിക്സ് യോഗ്യത സ്വന്തമാക്കിയത്.
ആദ്യപാദത്തില് ഇന്ത്യന് 5-1ന് ജയിച്ചിരുന്നു. എന്നാല് രണ്ടാം പാദത്തില് വന് ജയത്തിനായി പൊരുതിയ യുഎസ്എ ഇന്ത്യയെ ഞെട്ടിച്ചു. 28 മിനിറ്റായപ്പോള് യുഎസ്എ 4-0ന് മുന്നിലെത്തി. 49-ാം മിനിറ്റില് റാണി രാംപാല് ഇന്ത്യക്ക് ഒരു ഗോള് സമ്മാനിച്ചു. ഇതുമതിയായിരുന്നു ഇന്ത്യക്ക് ഒളിംപിക്സിന് യോഗ്യത നേടാന്. ഇന്ത്യന് വനിതകള് മൂന്നാം തവണയാണ് ഒളിംപിക്സിന് യോഗ്യത നേടുന്നത്. 1980 മോസ്കോയിലായിരുന്നു ആദ്യത്തേത്. അതിനുശേഷം 2016ല് റിയോയിലും യോഗ്യത നേടി.