ന്യൂഡൽഹി: ടേക്ക് ഓഫ് ചെയ്ത വിമാനം എൻജിൻ തകരാറിനെ തുടർന്ന് തിരിച്ചിറക്കി. ന്യൂഡൽഹിയിൽനിന്ന് റാഞ്ചിയിലേക്കു പോയ ഇൻഡിഗോ വിടി-ഐടിഇ നിയോ എയർക്രാഫ്റ്റ് വിമാനമാണ് തിരിച്ചിറക്കിയത്.
183 യാത്രക്കാരും ഏഴും ജീവനക്കാരുമുണ്ടായിരുന്ന വിമാനം ഡൽഹി വിമാനത്താവളത്തിൽ സുരക്ഷിതമായി ലാൻഡ് ചെയ്തു. സംഭവത്തിൽ അന്വേഷണം ആരംഭിച്ചതായി ഇൻഡിഗോ പത്രക്കുറിപ്പിൽ അറിയിച്ചു.
മൂന്നു ദിവസത്തിനിടെ ഇതു രണ്ടാം തവണയാണ് ഇൻഡിഗോ വിമാനത്തിന് എൻജിൻ തകരാർ സംഭവിക്കുന്നത്. രണ്ടു ദിവസം മുന്പ് ഇൻഡിഗോയുടെ 6ഇ-972 വിമാനത്തിന് എൻജിൻ തകരാർ ശ്രദ്ധയിൽപ്പെട്ടതിനെ തുടർന്ന് ടേക്ക് ഓഫ് റദ്ദാക്കിയിരുന്നു