ജബല്പുര്: മധ്യപ്രദേശിലെ ജബല്പുരില് മുഖ്യമന്ത്രി കമല്നാഥിനെ പരിഹസിച്ച പ്രധാന അധ്യാപകന് സസ്പെന്ഷന്. കനിഷ്ട ബുനിയാഡി മിഡില് സ്കൂളിലെ അധ്യാപകനായ മുകേഷ് തിവാരിയെയാണ് ജില്ലാ കളക്ടര് സസ്പെന്ഡ് ചെയ്തത്. മുഖ്യമന്ത്രിയെ മുകേഷ് പരിഹസിക്കുന്ന വീഡിയോ സോഷ്യല് മീഡിയയില് വൈറലായിരുന്നു.
ഇതിനു പിന്നാലെ കോണ്ഗ്രസ് പ്രവര്ത്തകര് അധ്യാപകനെതിരെ പരാതി നല്കി. മുകേഷിനെതിരെ കനത്ത നടപടി വേണമെന്നും കോണ്ഗ്രസ് പ്രവര്ത്തകര് ആവശ്യപ്പെട്ടിരുന്നു. ഇതിനു പിന്നാലെയാണ് മുകേഷ് തിവാരിയെ സസ്പെന്ഡ് ചെയ്തത്.