ഒറ്റപ്പാലം: വരോട് നാലാംമൈൽ മെറ്റൽ മെറ്റാലിക് അനധികൃത കരിങ്കൽ ക്വാറിക്കെതിരെ പ്രതിഷേധം ശക്തമാകുന്നു. പരിസ്ഥിതിലോല പ്രദേശമായ അനങ്ങൻമലയടിവാരത്ത് ജനവാസകേന്ദ്രത്തിൽ പ്രവർത്തിക്കുന്ന കരിങ്കൽ ക്വാറി അടച്ചുപൂട്ടണമെന്ന ആവശ്യവുമായി ഒറ്റപ്പാലം നഗരസഭയിലേക്ക് മാർച്ചും ധർണയും നടത്തി.
സമരം ഡോക്ടർ പി. സരിൻ ഉദ്ഘാടനം ചെയ്തു. ജനകീയ സമിതി അധ്യക്ഷൻ മൻസൂർ,വിവിധ സാമൂഹിക രാഷ്ട്രീയ സംഘടനാ നേതാക്കൾ പ്രതിഷേധ പരിപാടിയിൽ പങ്കെടുത്തു.