കായംകുളം: കാറില് കടത്താന് ശ്രമിച്ച 50 കിലോ കഞ്ചാവ് പിടികൂടി. കുപ്രസിദ്ധ ഗുണ്ട ബുനാഷ് ഖാന്റെ ഉടമസ്ഥതയിലുള്ള ആഡംബര വാഹനത്തില് കടത്തുകയായിരുന്ന കഞ്ചാവാണ് വള്ളികുന്നം എസ്ഐ ഷെഫീഖിന്റെ നേതൃത്വത്തിലുള്ള പോലീസ് സംഘം പിടികൂടിയത്.
വാഹനപരിശോധനയ്ക്കിടെ കായംകുളത്തു നിന്നും കറ്റാനം ഭാഗത്തേക്ക് പോകുകയായിരുന്ന വാഹനത്തിന് പോലീസ് കൈകാണിച്ചു. എന്നാല് നിര്ത്താതെ അമിതവേഗതയില് പോയ വാഹനത്തെ പോലീസ് പിന്തുടര്ന്നു. കാര് മൂന്നാംകുറ്റിയിലുള്ള പെട്രോള് പമ്ബിലേക്ക് കയറ്റിയതിനു ശേഷം ഡ്രൈവര് വാഹനത്തില് നിന്നും ഇറങ്ങിയോടി. തുടര്ന്ന് പോലീസ് നടത്തിയ പരിശോധനയിലാണ് വാഹനത്തിലൊളിപ്പിച്ച് കടത്താന് ശ്രമിച്ച അമ്ബത് കിലോ കഞ്ചാവ് കണ്ടെത്തിയത്. സംഭവത്തില് പോലീസ് അന്വേഷണം ആരംഭിച്ചു. വാഹനത്തിന്റെ ഡ്രൈവറെയും ഉടമസ്ഥനെയും കണ്ടെത്താന് ശ്രമം തുടങ്ങി.