കാസറഗോഡ് പ്രവാസി അസോസിയേഷൻ കുവൈറ്റ് ഫർവാനിയ ഏരിയ, ബദർ അൽ സമാ മെഡിക്കൽ സെന്ററുമായി സഹകരിച്ച് നടത്തുന്ന 'ബോക്സ് ക്രിക്കറ്റ് ലീഗ്' ജൂലൈ 23 ന്

കുവൈറ്റ്: കാസറഗോഡ് പ്രവാസി അസോസിയേഷൻ കുവൈറ്റ് (കെ. ഇ. എ) ഫർവാനിയ ഏരിയ ബദർ അൽ സമാ മെഡിക്കൽ സെന്ററുമായി സഹകരിച്ച് ഏകദിന 'ബോക്സ് ക്രിക്കറ്റ് ലീഗ്' നടത്തുന്നു. വിജയികൾക്ക് ക്യാഷ് അവാർഡിനൊപ്പം ട്രോഫി നൽകും.

മെഡിക്കൽ സെന്ററിൽ നടന്ന പരിപാടിയിൽ കെ‌എ‌എ ചെയർമാൻ ഖലീൽ അടൂര്‍ ടൂർണമെന്റ് ലോഗോയും പോസ്റ്ററും അബ്ദുൾ അനസിന്റെ (ബിസിനസ് ഡെവലപ്‌മെന്റ് കോർഡിനേറ്റർ, ബദർ അൽ സമാ ക്ലിനിക്) സാന്നിധ്യത്തിൽ പുറത്തിറക്കി.

ഏരിയ പ്രസിഡന്റ് ഇക്ബാൽ പെരുമ്പട്ട അധ്യക്ഷത വഹിച്ച ചടങ്ങിൽ ഖലീൽ അടൂര്‍ ഉദ്ഘാടനം ചെയ്തു. കെ‌ഇ‌എ ചീഫ് രക്ഷാധികാരി സത്താര്‍ കുന്നില്‍, ആക്ടിംഗ് പ്രസിഡന്റ് നാസർ ചുള്ളിക്കര, ആക്ടിംഗ് ജനറൽ സെക്രട്ടറി സുധാൻ അവിക്കര, ട്രഷറർ മുഹമ്മദ് കുൻഹി എന്നിവര്‍ ആശംസകൾ നേർന്നു. ബിസിഎൽ കൺവീനർ ഷുഹൈബ് ഷെയ്ഖ് സ്വാഗതം പറഞ്ഞു. ബിസിഎൽ 2021, ജൂലൈ 23 ന് നടക്കും.