മൂവാറ്റുപുഴയില്‍ അണമുറിയാത്ത ആവേശം പകര്‍ന്ന് ഡീന്‍ കുര്യാക്കോസ്

മൂവാറ്റുപുഴ:  പൊരിവെയിലിലും അണമുറിയാത്ത ആവേശം പകര്‍ന്ന് യു.ഡി.എഫ് സ്ഥാനാര്‍ത്ഥി അഡ്വ. ഡീന്‍ കുര്യാക്കോസിന്റെ മൂവാറ്റുപുഴ നിയോജക മണ്ഡലത്തിലെ തെരഞ്ഞെടുപ്പ് പര്യടനം. വാദ്യമേളങ്ങളും പ്ലക്കാര്‍ഡുകളുമായി ഇരുചക്രവാഹനങ്ങളുടെ അകമ്പടിയോടെ റോഡ് ഷോ നടത്തി ആവേശപൂര്‍വമാണ് പ്രവര്‍ത്തകര്‍ സ്ഥാനാര്‍ത്ഥിക്ക് ഒരോ കേന്ദ്രങ്ങളിലും സ്വീകരണം ഒരുക്കിയത്.

കനത്ത വെയിലിനെയും അവഗണിച്ചു യുവാക്കളും കുട്ടികളും, സ്ത്രീകളും അടക്കം നിരവധി ആളുകളാണ് വിവിധ കേന്ദ്രങ്ങളില്‍ എത്തിച്ചേര്‍ന്നത്. പര്യടനത്തിനിടെ ഷാഫി പറമ്പിൽഎം.എല്‍.എ കൂടെ എത്തിയതോടെ ആവേശം ഉച്ചസ്ഥായിയില്‍ എത്തി.

രാവിലെ 7 ന് പാലക്കുഴ പഞ്ചായത്തിലെ മാറികയിൽ നിന്നാണ് സ്ഥാനാര്‍ത്ഥിയുടെ ഇന്നലത്തെ പര്യടനം ആരംഭിച്ചത്. പര്യടന പരിപാടി കേരളാ കോണ്‍ഗ്രസ് (എം) വർക്കിംഗ് ചെയര്‍മാന്‍ പി.ജെ.ജോസഫ് എം.എൽ.എ. ഉദ്ഘാടനം ചെയ്തു.

മുൻ എം.എൽ എ മാരായ ജോണി നെല്ലൂർ, ജോസഫ് വാഴയ്ക്കൻ, യു.ഡി.എഫ് നേതാക്കളായ കെ എം അബ്ദുല്‍ മജീദ്, എ. മുഹമ്മദ് ബഷീര്‍, ജോയി മാളിയേക്കല്‍,കെ.എം സലീം, വിന്‍സെന്റ് ജോസഫ്, അഡ്വ. വര്‍ഗീസ് മാത്യു, പി.പി.എല്‍ദോസ്, ഉല്ലാസ് തോമസ് കെ എ തോമസ് ജോസ് പെരുമ്പിളളിക്കുന്നേൽ പി.എസ്.സലിം . മേരി പീറ്റർ, സിബി ജോർജ്, കെ.പി.ജോയി, വി.ആർ പങ്കജാക്ഷൻ നായർ ജോമോൻ കുന്നുംപുറം.തുടങ്ങിയവര്‍ പ്രസംഗിച്ചു.

പാലക്കുഴ ആരക്കുഴ കല്ലൂർക്കാട്, മഞ്ഞള്ളൂർ, ആയവന, പോത്താനിക്കാട്, പൈങ്ങോട്ടൂർ പഞ്ചായത്തുകളിലെ നൂറോളം കേന്ദ്രങ്ങളിൽ ഡീൻ കുര്യാക്കോസിന് സ്വീകരണം നല്കി. പൈങ്ങോട്ടൂർ പഞ്ചായത്തിലെ കുളപ്പുറം കവലയിലായിരുന്നു സമാപനം.