ജൂണ്‍ ആദ്യംതന്നെ കേരളത്തില്‍ മണ്‍സൂണ്‍ എത്തുമെന്ന് പ്രവചനം

ന്യൂഡല്‍ഹി : ജൂണ്‍ ആദ്യംതന്നെ കേരളത്തില്‍ മണ്‍സൂണ്‍ എത്തുമെന്ന് പ്രവചനം .ഇത് ആദ്യ കാല സൂചനയാണ്. ഈ വര്‍ഷം സാധാരണ മണ്‍സൂണ്‍ ആയിരിക്കുമെന്നും, ശരാശരി മഴയുടെ 98 ശതമാനമായിരിക്കുമെന്നായിരുന്നു ഏപ്രില്‍ 16 ന് നടത്തിയ കാലാവസ്ഥാ വകുപ്പിന്റെ പ്രവചനം. ഇതില്‍ അഞ്ച് ശതമാനംവരെ വ്യത്യാസമുണ്ടാകാമെന്നും ഭൗമ മന്ത്രാലയം സെക്രട്ടറി എം രാജിവന്‍ ട്വീറ്റ് ചെയ്തിരുന്നു.

കഴിഞ്ഞ തുടര്‍ച്ചയായ രണ്ട് വര്‍ഷങ്ങളില്‍ രാജ്യത്ത് മണ്‍സൂണ്‍ ശരാശരിക്കും മുകളിലായിരുന്നു. ഇത്തവണ അത് സാധാരണ നിലയിലായിരിക്കുമെന്നും കാര്‍ഷികമേഖലയ്ക്കും, സമ്ബദ്വ്യവസ്ഥയ്ക്കും അത് ഗുണം ചെയ്യുമെന്നും വിലയിരുത്തപ്പെടുന്നു.

അതേസമയം അടുത്ത 3 മണിക്കൂറില്‍ തിരുവനന്തപുരം, കൊല്ലം എന്നീ ജില്ലകളില്‍ 40 കി.മി. വരെ വേഗതയില്‍ വീശിയടിച്ചേക്കാവുന്ന കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.