കുവൈറ്റ് അബ്ബാസിയ സെന്റ് ഡാനിയേൽ കംബോണി ഇടവക വൈദികനും സിറോമലബാർ വിശ്വാസ പരിശീലന ഡയറക്ടറുമായ പ്രകാശ് കാഞ്ഞിരത്തിങ്കലിന്റെ പിതൃ സഹോദരൻ കുര്യൻ ജോസഫ് നിര്യാതനായി. ശവസംസ്കാരം ഇന്ന് ഉച്ചതിരിഞ്ഞു 2.30 ന് മാനന്തവാടി രൂപത വാളവയാൽ സെന്റ് സെബാസ്ററ്യൻസ് ദേവാലയ സെമിത്തേരിയിൽ.
പരേതൻ പ്രമുഖ വാളയാർ കുടിയേറ്റ കർഷകനായ ജോസഫ് കാഞ്ഞിരത്തിങ്കലിന്റെ മൂത്ത മകനാണ്. വാളയാർ ഇടവകയിൽ ദീർഘനാൾ കമ്മറ്റി അംഗമായും കൈക്കാരനായും സേവനം അനുഷ്ടിച്ചിട്ടുണ്ട്. കുടിയേറ്റ മേഖലയിലെ സിറോമലബാർ സഭയുടെ വളർച്ചയിൽ വലിയ പങ്കു വഹിക്കുവാൻ അദ്ദേഹത്തിനായി.
കുര്യൻ ചേട്ടന്റെ നിര്യാണത്തിൽ അബ്ബാസിയ സെന്റ് ഡാനിയേൽ ഇടവകാംഗങ്ങളും സിറോമലബാർ കൾച്ചറൽ അസോസിയേഷൻ കുവൈറ്റും ദുഃഖം രേഖപ്പെടുത്തുകയും കാഞ്ഞിരത്തിങ്കൽ കുടുംബാംഗങ്ങളോടുള്ള അനുശോചനം അറിയിക്കുകയും ചെയ്തു.