കുവൈറ്റ് : എണ്ണ, വാണിജ്യ മേഖലയിൽ ഇറാഖുമായി സഹകരണം ശക്തമാക്കുമെന്ന് കുവൈറ്റ് . കുവൈറ്റ് അമീറിന്റെ ഇറാഖ് സന്ദർശനത്തോടനുബന്ധിച്ച് നടത്തിയ ചർച്ചകളിൽ ഇതുസംബന്ധിച്ച് ധാരണയിലെത്തി. വൈകാതെ കരാറുകളിൽ ഒപ്പിടും.
കുവൈറ്റ് വിദേശകാര്യ മന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹ്, ധനമന്ത്രി നായിഫ് അൽ ഹജ്റുഫ്, വാണിജ്യ മന്ത്രി ഖാലിദ് അൽ റൗദാൻ, എണ്ണ മന്ത്രി ഡോ. ഖാലിദ് അൽ ഫാദിൽ എന്നിവരും അമീറിനൊപ്പം ഇറാഖിലെത്തിയിരുന്നു.
ഇറാഖ് പ്രസിഡൻറ് ബർഹാം സാലിഹ്, പ്രധാനമന്ത്രി ആദിൽ അബ്ദുൽ മഹ്ദി തുടങ്ങിയവരുമായി ഒരുദിവസം നീണ്ടുനിന്ന മാരത്തൺ ചർച്ചകളാണ് കുവൈറ്റ് മന്ത്രിമാർ നടത്തിയത്. ജി.സി.സി ഇലക്ട്രിസിറ്റി ഗ്രിഡുമായി ഇറാഖിനെ ബന്ധിപ്പിക്കുന്നത് സംബന്ധിച്ചും ആലോചന നടന്നു.