മുംബൈ: രാഷ്ട്രീയ പ്രതിസന്ധി തുടരുന്ന മഹാരാഷ്ട്രയില് ശിവസേനയുമായി ചേര്ന്നാല് കോണ്ഗ്രസിന്റെ നാശമായിരിക്കും ഫലമെന്ന് മുതിര്ന്ന കോണ്ഗ്രസ് നേതാവ് സഞ്ജയ് നിരുപം. കോണ്ഗ്രസ്- എന്സിപി സര്ക്കാര് മഹാരാഷ്ട്രയില് അധികാരത്തിലെത്തും എന്നത് ഭാവന മാത്രമാണെന്നും അദ്ദേഹം പറഞ്ഞു.
ഭാവന യാഥാര്ഥ്യമാക്കണമെങ്കില് ശിവസേനയെ കൂടെക്കൂട്ടാതെ സാധിക്കില്ലെന്നും അദ്ദേഹം പറഞ്ഞു. പക്ഷേ, ശിവസേനയുടെ പിന്തുണ സ്വീകരിക്കുകയാണെങ്കില് അത് കോണ്ഗ്രസിന്റെ നാശമായിരിക്കുമെന്നും അദ്ദേഹം പറഞ്ഞു.ശിവസേനയുമായി സഖ്യമുണ്ടാക്കുന്നതില് തെറ്റില്ലെന്ന് ചില നേതാക്കള് അഭിപ്രായപ്പെടുന്നുണ്ട്.