തൃശൂരിലെ എന്.ഡി.എ സ്ഥാനാര്ഥിയായി മത്സരിക്കുന്ന സുരേഷ് ഗോപിയുടെ തിരഞ്ഞെടുപ്പ് പ്രചരണത്തില് പങ്കെടുത്ത നടന് ബിജുമേനോന് കടുത്ത സൈബര് ആക്രമണമാണ് നേരിടേണ്ടി വന്നത്. ഇപ്പോഴിതാ നടനെതിരെ ഉയര്ന്ന വിമര്ശനങ്ങള്ക്ക് കിടിലന് മറുപടിയുമായി രംഗത്തെത്തിയിരിക്കുകയാണ് സുരേഷ് ഗോപിയുടെ മകനും നടനുമായ ഗോകുല് സുരേഷ്.
'ഇങ്ങനെ ഒരേപോലത്തെ കമെന്റുകള് തന്നെ പലയിടത്തും വായിച്ച് മടുത്തു. മനസിലാക്കുന്നവര് മനസിലാക്കിയാല് മതി. ബിജു മേനോന് എന്ന നടനോളം ഇഷ്ടം അഭിപ്രായങ്ങള് നിവര്ന്ന നട്ടലോടെ നിര്ഭയം പറയുന്ന ബിജു ചേട്ടന് എന്ന വ്യക്തിയെ!' ഗോകുല് ഫെയ്സ്ബുക്കില് കുറിച്ചു.
കഴിഞ്ഞ ദിവസമാണ് സുരേഷ് ഗോപിയ്ക്ക് വേണ്ടി വോട്ട് അഭ്യര്ത്ഥിച്ച് ബിജു മേനോന് പൊതുവേദിയില് എത്തിയത്. സുരേഷ് ഗോപിയെ ജനപ്രതിനിധിയായി കിട്ടിയാല് തൃശൂരിന്റെ ഭാഗ്യമാണെന്നും അദ്ദേഹത്തെ പോലെയൊരു മനുഷ്യസ്നേഹിയെ താന് വേറെ കണ്ടിട്ടില്ലെന്നും ബിജു മേനോന് പറഞ്ഞിരുന്നു. ഇതിനു പിന്നാലെ താരത്തിനെതിരെ കടുത്ത സൈബര് ആക്രമണമാണ് ഉണ്ടായത്.