ന്യൂഡല്ഹി: കോവിഡ്-19 വൈറസിന്റെ പശ്ചാത്തലത്തില് എംപി ഫണ്ട് രണ്ടു വര്ഷത്തേക്ക് റദ്ദാക്കിയ കേന്ദ്ര സര്ക്കാര് തീരുമാനത്തിനെതിരേ എംപിമാര് രംഗത്ത്. എംപി ഫണ്ട് ഇല്ലാതാക്കുന്നത് വികസനം മുരടിപ്പിക്കുമെന്ന് സിപിഐ രാജ്യസഭാ അംഗം ബിനോയ് വിശ്വം പറഞ്ഞു.
ശമ്പളം 30 ശതമാനം വെട്ടിക്കുറച്ചത് ന്യായമാണ്. എന്നാല് എംപി ഫണ്ട് ഇല്ലാതാക്കിയത് ന്യായീകരിക്കാന് കഴിയില്ലെന്നും അദ്ദേഹം പറഞ്ഞു. കോവിഡിന്റെ പശ്ചാത്തലത്തില് രണ്ടു വര്ഷത്തെ എംപി ഫണ്ട് സഞ്ചിത നിധിയിലേക്ക് പോകുമെന്നാണ് കേന്ദ്ര സര്ക്കാര് അറിയിച്ചത്. 2020-2021, 2021-2022 വര്ഷങ്ങളിലെ എംപി വികസന ഫണ്ടാണ് വേണ്ടെന്ന് വയ്ക്കാനാണ് തീരുമാനിച്ചത്.