ഝാര്ഖണ്ഡ്: ഝാര്ഖണ്ഡിലെ മുക്തി മോര്ച്ച സ്ഥാനാര്ത്ഥിക്ക് സ്വത്തില്ല. കിഷന്ഗഞ്ച് ലോക്സഭാ മണ്ഡലം ജെഎംഎം സ്ഥാനാര്ത്ഥി ശുകല് മുര്മു ആണ് തെരഞ്ഞെടുപ്പ് സത്യവാങ്മൂലത്തില് താന് 'ഒന്നുമില്ലാത്തവന്' ആണെന്ന് വ്യക്തമാക്കിയിരിക്കുന്നത്.
ബീഹാറിലെ പൂര്ണിയ, കിഷന്ഗഞ്ച്, കത്തിഹാര്, ബാങ്ക, മുങ്കര് എന്നീ മണ്ഡലങ്ങളില് നിന്ന് ജെഎംഎം സ്ഥാനാര്ത്ഥികള് ലോക്സഭയിലേക്ക് മത്സരിക്കുന്നുണ്ട്.
'ശുകല് മുര്മു ആദിവാസി വിഭാഗത്തില്പെട്ട വ്യക്തിയാണ്. ഗോത്രവിഭാഗത്തിലെ ഏറ്റവും താഴെത്തട്ടില് ജീവിക്കുന്നവര്ക്ക് വേണ്ടി പ്രവര്ത്തിക്കുകയും ജീവിക്കുകയും ചെയ്യുന്ന സാമൂഹ്യപ്രവര്ത്തകന് കൂടിയാണ് അദ്ദേഹം. വളരെ പാവപ്പെട്ടയാളാണ്. അദ്ദേഹത്തിന്റെ സ്വത്ത് സീറോയാണ്.'- ജെഎംഎം സംസ്ഥാന പ്രസിഡന്റ് പ്രണവ് കുമാര് പറയുന്നു.
ജനങ്ങളില് നിന്നും സാമ്പത്തിക സഹായം സ്വീകരിച്ചാണ് താന് തെരഞ്ഞെടുപ്പില് മത്സരിക്കുന്നതെന്നും ശുകല് മുര്മു പറയുന്നു.