ഡല്ഹി: കേരളത്തിലെ മഹാപ്രളയത്തെ ദേശീയ ദുരന്തമായി പ്രഖ്യാപിക്കാന് വൈകരുതെന്ന് കോണ്ഗ്രസ് അധ്യക്ഷന് രാഹുല് ഗാന്ധി. ട്വിറ്ററിലൂടെയാണ് പ്രധാനമന്ത്രിയോട് രാഹുല് ഗാന്ധി ആവശ്യം ഉന്നയിച്ചിരിക്കുന്നത്.
പ്രധാനമന്ത്രി നരേന്ദ്ര മോദി സംസ്ഥാനത്തെ ദുരന്തബാധിത പ്രദേശങ്ങള് സന്ദര്ശിച്ച് 500 കോടിയുടെ ഇടക്കാലാശ്വാസം പ്രഖ്യാപിച്ചതിന് പിന്നാലെയാണ് രാഹുലിന്റെ പ്രതികരണം.
പ്രളയത്തില് ലക്ഷക്കണക്കിന് ആളുകളുടെ ജീവനും ഉപജീവിതമാര്ഗങ്ങളും സ്വപ്നങ്ങളും അപകടത്തിലാവുകയാണെന്ന് രാഹുല് ഗാന്ധി ട്വിറ്റ് ചെയ്തു.
ഇന്നലെ കേരളത്തിലെത്തിയ പ്രധാനമന്ത്രി ഇന്ന് പ്രളയബാധിത പ്രദേശങ്ങള് ആകാശമാര്ഗം നേരില് കണ്ടിരുന്നു. പ്രധാനമന്ത്രി സന്ദര്ശനത്തില് മഹാപ്രളയത്തെ ദേശീയ ദുരന്തമായി പ്രഖ്യാപിക്കുമെന്നായിരുന്നു പ്രതീക്ഷിച്ചിരുന്നത്.