കർഷകർ വെളുത്തുള്ളി വിപണിയിലുപേക്ഷിച്ചു പോകുന്നു ! സവാളയും തക്കാളിയും ആർക്കും വേണ്ടാത്ത അവസ്ഥ...

ഇന്ത്യയിൽ ഏറ്റവും കൂടുതൽ വെളുത്തുള്ളി ഉൽപ്പാദിപ്പിക്കുന്നത് (70 %) മദ്ധ്യപ്രദേശിലെ കർഷകരാണ്. വളരെ ഉന്നത നിലവാരമുള്ള വെളുത്തുള്ളിയാണ് മദ്ധ്യപ്രദേശിലേത്. അതുകൊണ്ടുതന്നെ മദ്ധ്യപ്രദേശിലെ 'മന്ത്സോർ' വെളുത്തുള്ളി വിപണി വിശ്വപ്രസിദ്ധമാണ്.

ഭോപ്പാൽ, സാഗർ, ഗ്വാളിയർ, ഉജ്ജയ്ൻ ഭാഗത്തുള്ള കർഷകരെല്ലാം തങ്ങൾ ഉൽപാദിപ്പിക്കുന്ന വെളുത്തുള്ളി ഈ വിപണിയിലാണ് വിൽക്കാനായി കൊണ്ടുവരുന്നത്.

മഹാരാഷ്ട്ര, രാജസ്ഥാൻ, ഗുജറാത്ത് എന്നീ സംസ്ഥാനങ്ങളിലെ കർഷകരും മന്ത്സോർ' വിപണിയിൽ വെളുത്തുള്ളി വിൽപ്പനയ്ക്കായി കൊണ്ടുവരാറുണ്ട്.

എന്നാൽ ഇപ്പോൾ സ്ഥിതി അതീവ ഗുരുതരമാണ്. വെളുത്തുള്ളി വാങ്ങാൻ ആളില്ല. കിലോ ഒരു രൂപ പോലും വിലയുമില്ല.

ഉള്ളി വിൽക്കുമെന്ന പ്രതീക്ഷയിൽ വന്ന കർഷകർ ഒരാഴ്ചയോളം അവിടെ തങ്ങിയിട്ടും പ്രയോജനമില്ലാത്ത ഉള്ളി വിപണിയിൽ ഉപേക്ഷിച്ചു മടങ്ങുകയാണ് ചെയ്യുന്നത്.

അതീവ ദുഖകരമാണ് ഈയവസ്ഥ. കണ്ണുനീരോടെയാണ് കർഷകർ തങ്ങളുടെ വിയർപ്പിന്റെ അദ്ധ്വാനം മറ്റു വഴികളൊന്നുമില്ലാതെ ഇവിടെ ഉപേക്ഷിക്കാൻ നിര്ബന്ധിതരാകുന്നത്.

ചിലർ വെളുത്തള്ളി റോഡുവക്കിലും ഇടത്തോടുകളിലും വയലുകളിലും കൊണ്ടുവന്നു തള്ളുന്നതും കാണാം. കർഷകരെല്ലാം തീരാദുരിതത്തിലാണ്. സർക്കാരുകളുടെ ത്വരിത ഇടപെടൽ ഉണ്ടായില്ലെങ്കിൽ പലരും ആത്മഹത്യയുടെ വക്കിലുമാണ്.

ഇറാനിൽ നിന്നും ചൈനയിൽ നിന്നും ഇറക്കുമതി ചെയ്യപ്പെടുന്ന വെളുത്തുള്ളി മൂലമാണ് ഇന്ത്യൻ വെളുത്തു ള്ളിക്ക് വിലയില്ലാത്ത പോയതെന്നും ഇറക്കുമതി നിരോധിക്കുകയും കയറ്റുമതി പ്രോത്സാഹിപ്പിക്കുക യുമാണ് ഇപ്പോഴത്തെ ദുർഗതി അവസാനിപ്പിക്കാനുള്ള പോംവഴി എന്നുമാണ് കർഷകർ പറയുന്നത്.

ഇതുതന്നെയാണ് തക്കാളിയുടെയും അവസ്ഥ. ഒറീസ്സയിൽ കിലോ ഒരു രൂപയ്ക്കുപോലും തക്കാളി ആർക്കും വേണ്ട. കർഷകർ തക്കാളി റോഡിൽ വാരിവിതറിയാണ് പ്രതിഷേധിക്കുന്നത്. തക്കാളി കൂട്ടത്തോടെ വിപണികളിൽ കൂടിക്കിടന്നും അഴുകുകയാണ്.

ഇതുപോലെത്തന്നെ മഹാരഷ്ട്രയിലെ സവാള കർഷകരും വലിയ പ്രതിസന്ധിയിലാണ്. മാർക്കറ്റിൽ 30 രൂപ കിലോക്ക് വിൽക്കുമ്പോൾ കർഷകന് 50 പൈസപോലും ലഭിക്കുന്നില്ലെന്നതാണ് ആശ്ചര്യം. മഹാരാഷ്ട്രയിൽ അടുത്തിടെ കടക്കെണിമൂലം രണ്ടു കർഷകർ ആത്മഹത്യ ചെയ്യുകയുണ്ടായി.

പ്രതിഷേധസൂചകമായി സവാള വിറ്റു തങ്ങൾക്കു ലഭിക്കുന്ന തുശ്ചമായ തുക പ്രധാനമന്ത്രിക്കും മഹാരാഷ്ട്രാ മുഖ്യമന്ത്രിക്കും മണി ഓർഡർ അയക്കുകയാണ് ഇപ്പോൾ കർഷകർ സ്ഥിരമായി ചെയ്തുകൊണ്ടിരിക്കുന്നത്.

നമ്മുടെ രാജ്യത്ത് ഈ ഉൽപ്പന്നങ്ങൾക്ക് വിലയില്ലെങ്കിലും അയൽരാജ്യങ്ങളായ പാക്കിസ്ഥാനിലും ശ്രീല ങ്കയിലും തീവിലയാണ്. പാക്കിസ്ഥാനിൽ സവാള കിലോ 400 - 500 രൂപയും തക്കാളി 300 രൂപയുമാണ് വില. ശ്രീലങ്കയിൽ സവാള 210 രൂപയും തക്കാളി 150 രൂപയും വിലയുണ്ട്.