കര്‍ണാടകയില്‍ നാലിടത്ത് മല്‍സരിച്ച സിപിഎമ്മിന് മൂന്നിടത്തും ആയിരത്തില്‍ കുറഞ്ഞ വോട്ട്. നാലാം സീറ്റില്‍ 1008 വോട്ടും !

ബാംഗ്ലൂര്‍: കര്‍ണാടകയില്‍ നാലിടത്ത് മല്‍സരിച്ച സിപിഎമ്മിന് നാലിലും തോല്‍വി. മൂന്നു മുതല്‍ 6 വരെ സ്ഥാനങ്ങളിലാണ് പരാജയം. എന്നുമാത്രമല്ല, മൂന്നിടത്തും ആയിരം വോട്ടുകളില്‍ താഴെ മാത്രമാണ് സിപിഎം സ്ഥാനാര്‍ത്ഥികള്‍ക്ക് കിട്ടിയത്.

കര്‍ണാടകയിലെ ഏറ്റവും ജനകീയനായ ഡോ. അനില്‍ അഖിലപ്പെയെ മല്‍സരിപ്പിച്ച കെആര്‍ പുരത്ത് സിപിഎം അല്‍പം നില മെച്ചപ്പെടുത്തി. അവിടെ ആകെ 1008 വോട്ടുകള്‍ നേടാന്‍ സിപിഎമ്മിനായി.

പല സ്ഥലങ്ങളിലും ‍ജെഡിഎസുമായിട്ടായിരുന്നു സിപിഎമ്മിന് കൂട്ട്. ശക്തികേന്ദ്രങ്ങളിലാണ് സ്വന്തം സ്ഥാനാര്‍ഥികളെ നിര്‍ത്തിയത്. അവിടെയുള്ള സ്ഥിതിയാണ് മേല്‍ പ്രസ്താവിച്ചിട്ടുള്ളത്.