വേൾഡ് മലയാളി കൗൺസിൽ കോർക്ക് (അയര്‍ലന്‍ഡ്) യൂണിറ്റിന് പുതിയ നേതൃത്വം

വേൾഡ് മലയാളി കൗൺസിൽ കോർക്ക് യൂണിറ്റിന്റെ പൊതുയോഗവും പുതിയ ഭാരവാഹികളുടെ തിരഞ്ഞെടുപ്പും ബാലിൻകോളിഗ് ജി എ എ ഹാളിൽ ചെയർമാൻ ജെയ്സൺ ജോസഫിന്റെ അധ്യക്ഷതയിൽ നടന്നു. ആക്ടിങ് പ്രസിഡന്റ് റ്റുബീഷ് രാജു വിവിധ പ്രവർത്തനങ്ങളെ കുറിച്ച്‌ സംസാരിച്ചു. സെക്രട്ടറി ജോൺസൺ ചാൾസ് റിപ്പോർട്ടും, ട്രഷറർ മധു എം മാത്യു ഫിനാൻസ് റിപ്പോർട്ടും അവതരിപ്പിച്ചു.

മുൻ പ്രസിഡന്റ് ഹാരി തോമസ് വരണാധികാരിയായിരുന്നു. ചെയർമാനായി ജോൺസൺ ചാൾസിനെയും, പ്രസിഡന്റായി ഡോ.ലേഖ മേനോനെയും, സെക്രട്ടറിയായി റ്റുബീഷ് രാജുവിനെയും, ട്രഷറർ ആയി ജെയ്‌സൺ ജോസഫിനേയും തെരഞ്ഞെടുത്തു.

വൈസ് ചെയർമാനായി ഡെനിറ്റാ ജേക്കബ്, വൈസ് പ്രസിഡന്റായി ജോസഫ് ജോസഫ്,

ജോയിന്റ് സെക്രട്ടറിയായി മെൽവിൻ കോശി മാത്യു എന്നിവരും തെരഞ്ഞെടുക്കപ്പെട്ടു.

എക്സിക്യൂട്ടീവ് കമ്മിറ്റി അംഗങ്ങൾ : ഷാജു കുര്യൻ (മുൻ ഗ്ലോബൽ വൈസ് ചെയർമാൻ), സിൽസൻ ജേക്കബ് (പി ആർ ഓ ), കൃഷ്ണകുമാർ, മനു മൈക്കിൾ, മധു മാത്യു, ബിജു മാത്യു, ജോമോൻ ജോസഫ്, ജോസ് പി കുര്യൻ, അരുൺ നായർ, അനീഷ് ജോർജ്, ഷെബി പി രാജു, സിബിൻ ജെയിംസ്, ജേക്കബ്, ബിജു സിറിയക്ക്, വിപിൻ മാത്യു.

പുതിയ ഭാരവാഹികളെ അയർലണ്ട് പ്രോവിൻസ് ചെയർമാൻ ദീപു ശ്രീധർ, പ്രസിഡണ്ട്‌ ബിജു സെബാസ്റ്റ്യൻ, പി ആർ ഓ രാജു കുന്നക്കാട്ട്, യൂറോപ്പ് റീജിയൻ ട്രഷറർ ഷൈബു കൊച്ചിൻ, വൈസ് ചെയർമാൻ ബിജു വൈക്കം, വൈസ് പ്രസിഡണ്ട്‌ സുനിൽ ഫ്രാൻസിസ്,ഗ്ലോബൽ വനിത ഫോറം വൈസ് പ്രസിഡണ്ട്‌ ജീജ ജോയി എന്നിവർ അഭിനന്ദിച്ചു.