കണ്ണൂർ: തളിപ്പറമ്പില് എംഡിഎംഎയുമായി യുവാവ് അറസ്റ്റില്. എളംമ്പേരംപാറയിലെ മൂസാന് കുട്ടി (21) എന്നയാളാണ് അറസ്റ്റിലായത്. 12 ലക്ഷം രൂപയുടെ എംഡിഎംഎയുമായാണ് ഇയാൾ പിടിയിലായത്.
ഒരു മണിയോടെ രഹസ്യവിവരം ലഭിച്ചതിന്റെ അടിസ്ഥാനത്തില് തളിപ്പറമ്പ് റേഞ്ച് ഇന്സ്പെക്ടര് വി വിപിന്കുമാറും സംഘവും ചേർന്നാണ് യുവാവിനെ പിടികൂടിയത്.
എക്സൈസ് ഇന്റലിജന്സ് വിഭാഗത്തിന് ലഭിച്ച രഹസ്യവിവരത്തിന്റെ അടിസ്ഥാനത്തില് സുള്ഫെക്സ് കമ്പനിക്ക് സമീപത്തെ മൂസാന്കുട്ടിയുടെ വീടിന് സമീപത്തെ രണ്ടാം നിലയില് നിന്നാണ് 23.5 ഗ്രം എംഡിഎംഎ പിടികൂടിയത്.