എടത്വ: പുനർജനി പെയിൻ ആൻ്റ് പാലിയേറ്റിവ് കെയർ ചൂട്ടുമാലി യൂണിറ്റ് ഉദ്ഘാടനം ചെയ്തു. പ്രസിഡൻ്റ് പി.ഡി.സുരേഷ് അദ്ധ്യക്ഷത വഹിച്ചു. തലവടി ഗ്രാമപഞ്ചായത്ത് വൈസ് പ്രസിഡൻ്റ് ജോജി ഏബ്രഹാം ഉദ്ഘാടനം ചെയ്തു. ജീവകാരുണ്യ പ്രവർത്തനങ്ങളുടെ ഭാഗമായി സംഘടിപ്പിച്ച 'ബിരിയാണി ചലഞ്ചിൻ്റെ ' ഉദ്ഘാടനം സി.പി.എം ലോക്കൽ കമ്മിറ്റി സെക്രട്ടറി എം.കെ സജി സൗഹൃദ വേദി ചെയർമാൻ ഡോ.ജോൺസൺ വി.ഇടിക്കുളയിൽ നിന്ന് ആദ്യ സംഭാവന സ്വീകരിച്ച് നിർവഹിച്ചു.
ചടങ്ങിൽ തലവടി സഹകരണ സംഘം പ്രസിഡൻ്റ് കെ.ഇ ഏബ്രഹാം, യൂണിറ്റ് സെക്രട്ടറി വിൻസൻ പൊയ്യാലുമാലിൽ, ട്രഷറാർ വർഗ്ഗീസ് വാലയിൽ, രമേശ് വി. ദേവ് ,പ്രയിസൺ കോശി ,സദാനന്ദൻ പാലപറമ്പിൽ, ബാബു വാഴക്കൂട്ടത്തിൽ,എബി കൊടയ്ക്കാട്ടുകടവിൽ എന്നിവർ പ്രസംഗിച്ചു.