പൊന്നമ്പലമേട്ടിൽ അതിക്രമിച്ചു കയറിയ സംഭവം, പൊലീസ് കേസെടുത്തു

പത്തനംതിട്ട: പൊന്നമ്പലമേട്ടിൽ അതിക്രമിച്ചു കയറിയ സംഭവത്തിൽ പൊലീസ് കേസെടുത്തു. മൂഴിയാർ പൊലീസാണ് കേസെടുത്തത്. തിരുവിതാംകൂർ ദേവസ്വം കമ്മീഷണറുടെ പരാതിയിലാണ് കേസ്. വിശ്വാസത്തെ അവഹേളിക്കൽ, മതസ്പർദ്ധ ഉണ്ടാക്കാൻ ശ്രമിക്കൽ എന്നീ വകുപ്പുകൾ പ്രകാരമാണ് കേസ്.

വനം വികസന കോർപ്പറേഷനിലെ രണ്ട് ഉദ്യോഗസ്ഥരാണ് നിലവിൽ അറസ്റ്റിലായിരിക്കുന്നത്. ഇവരാണ് നാരായണസ്വാമി ഉൾപ്പെടെയുള്ളവരെ പൊന്നമ്പലമേട്ടിലേക്ക് കടത്തിവിട്ടത്. അതേസമയം, ഒന്നാംപ്രതി നാരായണ സ്വാമി ഉടൻ പിടിയിലാകുമെന്നാണ് വനംവകുപ്പ് ഉദ്യോഗസ്ഥർ പറയുന്നത്.