പത്തനംതിട്ട: നിയമന കേസ് തട്ടിപ്പ് പ്രതി അഖില് സജീവ് തട്ടിപ്പിനിരയാക്കിയത് സ്വന്തം നാട്ടുകാരെയും. തട്ടിപ്പിനിരയാക്കപ്പെട്ട ആരെങ്കിലും കേസിന് പോയാല് ആത്മഹത്യ ചെയ്യുമെന്ന് ഭീഷണി മുഴക്കലായിരുന്നു അഖില് സജീവിന്റെ സ്ഥിരം രീതിയുണ്ടായിരുന്നത്.കേസിന് പോയാല് ആത്മഹത്യ ചെയ്യുമെന്നായിരുന്നു അഖില് സജീവിന്റെ ഭീഷണി. സി.ഐ.ടി.യു നേതാവായ തനിക്കെതിരെ പോലീസില് പരാതി നല്കിയിട്ട് പ്രയോജനമില്ലെന്നും അഖില് സജീവ് പറഞ്ഞിരുന്നതായി തട്ടിപ്പിനിരയായ യുവാവ് പറഞ്ഞു.
2022 ഫെബ്രുവരി പതിനെട്ടാം തീയതി അഖില് സജീവിന്റെ വള്ളിക്കോട്ടെ വീട്ടിലെത്തിയാണ് യുവാവ് ഒരു ലക്ഷം രൂപ അഖില് സജീവിന് കൈമാറിയത്. അര്ദ്ധ സര്ക്കാര് സ്ഥാപനത്തില് സെയില്സ്മാന് തസ്തികയില് ജോലി വാങ്ങി നല്കാം എന്നായിരുന്നു വാഗ്ദാനം.ഒടുവില് ജോലി ലഭിക്കില്ല എന്ന് ഉറപ്പായതോടെ കൊടുത്ത പണം തിരികെ ചോദിച്ചു. പണം തിരികെ നല്കില്ലെന്നും താന് സിഐടിയു നേതാവാണെന്നും കേസിന് പോയിട്ട് കാര്യമില്ലെന്നുമായിരുന്നു അഖില് സജീവിന്റെ മറുപടിയെന്നും യുവാവ് പറഞ്ഞു.