കൊല്ലം: സമൂഹ മാധ്യമത്തിലൂടെ കലാപാഹ്വാനം നടത്തിയ യുവാവിനെ പൊലീസ് പിടികൂടി. കൊല്ലം വെസ്റ്റ് വില്ലേജില് കുരീപ്പുഴ തായ് വീട്ടില് മുഹമ്മദ് അലി മകന് സെയ്ദ് അലി (28) ആണ് പൊലീസ് പിടിയിലായത്.
ആലപ്പുഴയിലെ രാഷ്ട്രീയ കൊലപാതകങ്ങളുമായി ബന്ധപ്പെട്ട് പ്രകോപനപരമായ സന്ദേശങ്ങള് സമൂഹ മാധ്യമങ്ങളില് പങ്കുവച്ചതായി കണ്ടെത്തിയതിനെ തുടര്ന്നാണ് അറസ്റ്റെന്ന് പൊലീസ് അറിയിച്ചു. ജില്ലാ പൊലീസ് മേധാവി ടി. നാരായണന്റെ മേല്നോട്ടത്തിലൂളള പ്രത്യേക സംഘത്തിന്റെ സൈബര് പട്രോളിംഗിലാണ് ഇയാളുടെ പോസ്റ്റുകളും മറ്റും കണ്ടെത്തിയത്.
തുടര്ന്ന് വിവരം കൊല്ലം വെസ്റ്റ് പൊലീസിന് കൈമാറുകയായിരുന്നു.നിരോധിത സംഘടനകളുമായോ മറ്റോ ഇയാള്ക്ക് ബന്ധമുണ്ടോയെന്നുളള വിവരം പരിശോധിച്ചു വരികയാണ്. പ്രതിയെ കോടതിയില് ഹാജരാക്കി.