കഴിഞ്ഞ ദിവസം ചെയ്ത മഴയിൽ ടാറിങ് ഒഴുകിപ്പോയ പെരുവ ടാക്സി സ്റ്റാൻസ് - പഞ്ചായത്ത്പടി റോഡ്
പെരുവ: പതിനഞ്ച് ദിവസം മുൻപ് ടാർ ചെയ്ത റോഡ് ഒറ്റമഴയിൽ ഒഴുകിപ്പോയി ! മുളക്കുളം പഞ്ചായത്ത് ഓഫീസിന് മുൻവശമുള്ള പെരുവ ടാക്സി സ്റ്റാൻഡ് - പഞ്ചായത്ത്പടി ബൈപാസ് റോഡാണ് ബുധനാഴ്ച പെയ്ത മഴയിൽ ഇളകിപ്പോയത്.
പഞ്ചായത്ത് ഫണ്ട് ഉപയോഗിച്ച് 250 മീറ്റർ ദൂരത്തിൽ ഏകദേശം 5 ലക്ഷം രൂപാ ചിലവഴിച്ചാണ് റോഡ് ടാർ ചെയ്തത്. പത്ത് വർഷം മുൻപ് ചെയ്ത ടാറിങ്ങിന് മുകളിലൂടെ ചെയ്ത റീടാറിംങാണ് പൊളിത്ത് പോയത്.
കൈ കൊണ്ട് ഇളക്കിയാൽ പൊളിഞ്ഞ് പോകുന്ന ടാറിങ്ങിൽ വൻ അഴിമതിയുണ്ടെന്ന് നാട്ടുകാർ പറയുന്നു. ഇതിനെതിരെ വിജിലൻസിന് പരാതി നൽകുമെന്നും നാട്ടുകാർ പറയുന്നു.