കോഴിക്കോട്: മുക്കം എൻഐടി ക്വാർട്ടേഴ്സിൽ ദമ്പതികളെ പൊള്ളലേറ്റ് മരിച്ച നിലയിൽ കണ്ടെത്തി. സിവിൽ എൻജിനിയറിംഗ് വിഭാഗത്തിലെ ടെക്നീഷ്യനും കൊല്ലം സ്വദേശിയുമായ അജയകുമാർ (56), ഭാര്യ ലിനി (50) എന്നിവരാണ് മരിച്ചത്.
ഇന്ന് രാവിലെ നാലോടെയാണ് സംഭവം. കുട്ടിയെ പരിക്കുകളോടെ കെഎംസിടി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ഗ്യാസ് സിലിണ്ടർ പൊട്ടിത്തെറിച്ചാണ് അപകടമെന്നാണ് പ്രാഥമിക നിഗമനം. ക്വാർട്ടേഴ്സിൽ നിന്ന് പുക ഉയരുന്നത് കണ്ട് നാട്ടുകാർ പൊലീസിൽ വിവരം അറിയിക്കുകയായിരുന്നു. മൃതദേഹം പൊലീസ് നടപടികൾക്ക് ശേഷം ആശുപത്രി മോർച്ചറിയിലേക്ക് മാറ്റി.