നിലമ്പൂർ: നാലുലിറ്റർ വിദേശമദ്യവുമായി കണ്ണൂർ സ്വദേശി പിടിയിൽ. ചേന്നംകോട് റെജി സി. ഗോപി (47) യാണ് പിടിയിലായത്. ചാലിയാർ പഞ്ചായത്തിൽ വിദേശമദ്യവും നാടൻ ചാരായവും വിൽപന വർധിച്ച സാഹചര്യത്തിൽ എക്സൈസ് പരിശോധന ഊർജിതമാക്കിയിരുന്നു.
തുടർന്ന് നടത്തിയ പരിശോധനയിലാണ് നാലു ലിറ്റർ ഇന്ത്യൻ നിർമിത വിദേശമദ്യവുമായി ഇയാൾ പിടിയിലായത്. മണ്ണുപ്പാടത്തെ വാടക ക്വാർട്ടേഴ്സിലാണ് ഇയാൾ താമസിക്കുന്നത്.