തൃശ്ശൂർ ജില്ലയിൽ ഇന്ന് 44 പേർക്ക് കൂടി കോവിഡ്, 46 പേർ രോഗമുക്തരായി

തൃശ്ശൂര്‍: തൃശ്ശൂർ ജില്ലയിൽ ഇന്ന് ബുധനാഴ്ച 44 പേർക്ക് കൂടി കോവിഡ്19 സ്ഥിരീകരിച്ചു; കൂടാതെ കോവിഡ് ബാധിച്ച് ജില്ലയിലെ വിവിധ ആശുപത്രികളിൽ നിലവിൽ ചികിത്സയിലുള്ള 24 പേരും വീട്ടു നിരീക്ഷണത്തിലുള്ള 189 പേരും ചേർന്ന് 257 പേരാണ് ജില്ലയിൽ ആകെ രോഗബാധിതരായിട്ടുള്ളത്.

46 പേർ രോഗമുക്തരായി. ജില്ലയിൽ ഇതുവരെ കോവിഡ് 19 സ്ഥിരീകരിച്ചവരുടെ എണ്ണം 6,68,810 ആണ്. 6,63,506 പേരെയാണ് ആകെ രോഗമുക്തരായി ഡിസ്ചാർജ് ചെയ്തത്. ജില്ലയിൽ ബുധനാഴ്ച സമ്പർക്കം വഴി 44 പേർക്കാണ് രോഗം സ്ഥിരീകരിച്ചത്.

1,563 സാമ്പിളുകളാണ് പരിശോധനയ്ക്ക് എടുത്തത്. ഇതിൽ 684 പേർക്ക് ആന്‍റിജൻ പരിശോധനയും, 807 പേർക്ക് ആർടി പിസിആർ പരിശോധനയും, 72 പേർക്ക് സിബിനാറ്റ്/ട്രുനാറ്റ്/പിഒസി പിസിആർ/ആർടി ലാംപ് പരിശോധനയുമാണ് നടത്തിയത്. ജില്ലയിൽ ഇതുവരെ ആകെ 43,63,715 സാമ്പിളുകളാണ് പരിശോധനയ്ക്ക് അയച്ചത്. ഇന്നത്തെ ടെസ്റ്റ് പോസിറ്റിവിറ്റി നിരക്ക് 02.82% ആണ്.

ജില്ലയിൽ ഇതുവരെ 50,33,606 ഡോസ് കോവിഡ് 19 വാക്സിൻ വിതരണം ചെയ്തു. ഇതിൽ 25,66,703 പേർ ഒരു ഡോസ് വാക്സിനും, 23,49,687 പേർ രണ്ട് ഡോസ് വാക്സിനും സ്വീകരിച്ചു. ജില്ലയിൽ 1,17,216 പേർ കരുതൽ ഡോസ് വാക്സിൻ സ്വീകരിച്ചു.