ദാദ്ര നാഗർ ഹവേലിയിൽ സന്ദർശിക്കേണ്ട മികച്ച 10 സ്ഥലങ്ങൾ

പശ്ചിമഘട്ട മലനിരകളിൽ സ്ഥിതി ചെയ്യുന്ന കേന്ദ്രഭരണ പ്രദേശമായ ദാദ്ര & നഗർ ഹവേലി പ്രകൃതി സൗന്ദര്യം കൊണ്ട് സമ്പന്നമാണ്. വനങ്ങൾ, പർവതനിരകൾ, ശാന്തമായ താഴ്‌വരകൾ എന്നിവ ദാദ്ര & നഗര്‍ ഹവേലിയുടെ സൗന്ദര്യം വര്‍ധിപ്പിക്കുന്നു. കേന്ദ്രഭരണ പ്രദേശമായ ദാദ്ര നാഗർ ഹവേലിയിൽ സന്ദർശിക്കേണ്ട മികച്ച 10 സ്ഥലങ്ങൾ ഇതാ:

1. വംഗംഗ തടാക ഉദ്യാനം

തലസ്ഥാന നഗരിയായ സിൽവാസയിൽ നിന്ന് 5 കിലോമീറ്റർ അകലെയുള്ള വംഗംഗ തടാക ഉദ്യാനം പ്രകൃതിസ്‌നേഹികളുടെ സ്വർഗ്ഗമാണ്.

2. ഹിർവ വാൻ ഗാർഡൻ

സിൽവാസ - ദാദ്ര റോഡിൽ സ്ഥിതി ചെയ്യുന്ന ഈ പൂന്തോട്ടം വാസ്തുവിദ്യയുടെ മികച്ച മാതൃകയാണ്. വിസ്മയിപ്പിക്കുന്ന വെള്ളച്ചാട്ടങ്ങൾ, മനോഹരമായ കാസ്കേഡുകൾ, ചെറിയ നീരുറവകൾ, കൽഭിത്തികൾ, കമാനങ്ങൾ, പച്ചപ്പ്, വർണ്ണാഭമായ പൂക്കൾ, ക്രിസ്‌ക്രോസ് നടപ്പാതകൾ തുടങ്ങിയവ ഇവിടുത്തെ പ്രത്യേകതകളാണ്.

3. ദുധ്നി തടാകം

സിൽവാസയിൽ നിന്ന് 40 കിലോമീറ്റർ അകലെ സ്ഥിതി ചെയ്യുന്ന ദുധ്‌നി തടാകം ചെറിയ കുന്നുകളാൽ ചുറ്റപ്പെട്ട വിശാലമായ ജലവിതാനമാണ്. 'പടിഞ്ഞാറിന്റെ കാശ്മീർ' എന്നറിയപ്പെടുന്ന ഈ തടാകം മധുബൻ റിസർവോയറിലെ വെള്ളത്താൽ രൂപപ്പെട്ടതാണ്.

4. കൗഞ്ച

മധുബൻ അണക്കെട്ടിന്റെ തീരത്ത് സ്ഥിതി ചെയ്യുന്ന കൗഞ്ച പ്രകൃതിസ്‌നേഹികൾക്ക് അനുയോജ്യമായ സ്ഥലമാണ്. നിബിഡ വനങ്ങളും മനോഹരമായ പർവതനിരകളും കൗഞ്ചയിലെ മനോഹരമായ താഴ്‌വരകളും നിങ്ങളെ ആകർഷിക്കും.

5. സിൽവാസ്സ വസോന ലയൺ സഫാരി

20 ഹെക്ടർ സ്ഥലത്ത് വ്യാപിച്ചുകിടക്കുന്ന വസോന ലയൺ സഫാരി നിങ്ങൾക്ക് ആവേശകരമായ അനുഭവം നൽകുന്നു. സിൽവാസയിൽ നിന്ന് 9 കിലോമീറ്റർ അകലെയാണ് ലയൺ സഫാരി പാർക്ക്. സുരക്ഷ ഉറപ്പാക്കാൻ ഏഴ് മീറ്റർ ഉയരമുള്ള മതിലുണ്ട്.

6. ട്രൈബൽ കൾച്ചറൽ മ്യൂസിയം

ദാദ്ര & നഗർ ഹവേലിയിലെ ട്രൈബൽ കൾച്ചറൽ മ്യൂസിയം ഈ നാട്ടിലെ ആദിവാസികളുടെ സമ്പന്നമായ സാംസ്കാരിക പൈതൃകത്തെക്കുറിച്ചുള്ള ഉൾക്കാഴ്ച നൽകുന്നു. ആദിവാസികൾ ഉപയോഗിച്ചിരുന്ന വേട്ടയാടൽ ഉപകരണങ്ങൾ, പരമ്പരാഗത ആഭരണങ്ങൾ, സംഗീതോപകരണങ്ങൾ എന്നിവയുടെ ശേഖരം മ്യൂസിയത്തിലുണ്ട്.

7. സ്വാമിനാരായണ്‍ ക്ഷേത്രം

ദാമൻ ഗംഗ നദിയുടെ തീരത്ത് സ്ഥിതി ചെയ്യുന്ന സ്വാമിനാരായണ ക്ഷേത്രം വാസ്തുവിദ്യാ വൈഭവത്തിന് ഉത്തമ ഉദാഹരണമാണ്. കൊത്തുപണികളില്ലാതെ കെട്ടിടത്തിന്റെ ഒരു ഭാഗം പോലും അവശേഷിക്കുന്നില്ല എന്നത് നിങ്ങളെ അത്ഭുതപ്പെടുത്തും. വിശാലമായ പൂന്തോട്ടവും അതിമനോഹരമായ നിർമ്മാണവും സന്ദർശകരെ ആകർഷിക്കുന്നു.

8. മധുബൻ അണക്കെട്ട്

ദാദ്ര നാഗർ ഹവേലിയിലെ പ്രധാന ആകർഷണങ്ങളിലൊന്നായ മധുബൻ ഡാം ജല കായിക വിനോദങ്ങളിൽ ഏർപ്പെടാൻ മികച്ച സൗകര്യങ്ങൾ പ്രദാനം ചെയ്യുന്നു. സ്പീഡ് ബോട്ടുകൾ, പാസഞ്ചർ ബോട്ടുകൾ, വാട്ടർ സ്കൂട്ടറുകൾ, തോണികൾ, അക്വാ ബൈക്കുകൾ എന്നിവയിലെ സവാരികൾ വിനോദസഞ്ചാരികളെ വളരെയധികം ആകർഷിക്കുന്നു. വാട്ടർ സ്‌പോർട്‌സിന് പുറമെ, ചുറ്റുമുള്ള ഇടതൂർന്ന വനങ്ങളുടെ കാഴ്ചകൾ അതിശയിപ്പിക്കുന്നതാണ്.

9. ബിന്ദ്രബിൻ ക്ഷേത്രം

തഡ്‌കേശ്വര ക്ഷേത്രം എന്നും അറിയപ്പെടുന്ന ബിന്ദ്രബിൻ ക്ഷേത്രം, സിൽവാസയിൽ നിന്ന് 18 കിലോമീറ്റർ അകലെയാണ്.

10. ചർച്ച് ഓഫ് ഔവർ ലേഡി ഓഫ് പീറ്റി

പോർച്ചുഗീസ് ഭരണത്തിന്റെ ഓർമ്മപ്പെടുത്തൽ കൂടിയാണ്‌ പതിനെട്ടാം നൂറ്റാണ്ടിൽ പണികഴിപ്പിച്ച പള്ളി ഓഫ് ഔർ ലേഡി ഓഫ് പീറ്റി. ട്രൈബൽ മ്യൂസിയത്തിന് എതിർവശത്താണ് ഇത് സ്ഥിതി ചെയ്യുന്നത്. കല്ലിൽ തീർത്ത പള്ളിക്ക് പുറത്ത് അതിശയകരമായ കമാനങ്ങളും നന്നായി നിർമ്മിച്ച അകത്തളങ്ങളും ഉണ്ട്.