ന്യൂഡല്ഹി: ഡല്ഹിയില് കനത്ത മൂടല് മഞ്ഞ് തുടരുന്ന സാഹചര്യത്തില് 30 ട്രെയിനുകള് റദ്ദാക്കി. ഡല്ഹി പാലം വിമാനത്താവളത്തില് കാഴ്ചാ പരിധി പൂജ്യമാണ് രേഖപ്പെടുത്തിയത്. ഇതേത്തുടര്ന്ന് 17 വിമാനങ്ങള് റദ്ദാക്കിയിട്ടുണ്ട്. ജനുവരി 16 വരെ രാജ്യത്തിന്റെ വിവിധ ഭാഗങ്ങളില് നിന്ന് ഡല്ഹിയിലേക്കുള്ള 30 ട്രെയിനുകള് വൈകി ഓടുമെന്ന് റെയില്വേ അറിയിച്ചു.
പ്രതികൂല കാലാവസ്ഥമൂലം നൂറിലധികം വിമാനങ്ങള് വൈകി. ഫ്ളൈറ്റ് വിവരങ്ങള്ക്കായി ബന്ധപ്പെട്ട എയര്ലൈനുമായി ബന്ധപ്പെടാനും അധികൃതര് യാത്രക്കാരോട് നിര്ദേശിച്ചു. വാരാണസി, ആഗ്ര, ഗ്വാളിയോര്, പത്താന്കോട്ട്, ജമ്മു, ചണ്ഡിഗഡ് തുടങ്ങിയ സ്ഥലങ്ങളിലും കനത്ത മൂടല് മഞ്ഞ് കാരണം കാഴ്ചാപരിധി പൂജ്യമായി ചുരുങ്ങിയിട്ടുണ്ട്.