കളിയാക്കിയതിൻ്റെ പ്രതികാരം, പെൺകുട്ടിയെ കുത്തി യുവാവ്

ഡൽഹി: ഡൽഹിയിലെ മുഖർജി നഗറിൽ കളിയാക്കിയതിൻ്റെ പ്രതികാരമായി പെൺകുട്ടിയെ കുത്തി കൊലപ്പെടുത്താൻ ശ്രമം. പല തവണ കുത്തിയെങ്കിലും സാരമായി പരിക്കുകളേൽക്കാതിരുന്നതോടെ പെൺകുട്ടി അപകടനില തരണം ചെയ്തു. 

മാർച്ച് 22 നാണ് സംഭവം. മുഖർജി നഗറിലെ വിദ്യാർത്ഥികൾ പ്രദേശത്ത് അലഞ്ഞ് തിരിഞ്ഞ് നടക്കുന്ന അമൻ എന്ന അക്രമിയെ കളിയാക്കുകയും "ഭ്രാന്തൻ" എന്ന് വിളിക്കുകയും ചെയ്യാറുണ്ടായിരുന്നു. മുഖർജി നഗറിൽ ലൈബ്രറിയിൽ പഠിക്കാൻ വരുമായിരുന്ന യുവതിയും കളിയാക്കാൻ ശ്രമിച്ചെന്നാണ് പ്രതി പോലീസിനോട് പറഞ്ഞത്. 

പെൺകുട്ടി കളിയാക്കിയതോടെ പ്രകോപിതനായ അമൻ സമീപത്തെ പച്ചക്കറി കച്ചവടക്കാരനിൽ നിന്ന് കത്തിയെടുത്ത് ആക്രമിക്കാൻ പിന്നാലെ പായുകയായിരുന്നു. വഴിയാത്രക്കാർ പെട്ടെന്ന് തന്നെ ആക്രമിക്കുന്നത് തടയാൻ ശ്രമിച്ചതിനാൽ യുവതിക്ക് കാര്യമായ പരിക്കുകളൊന്നും പറ്റിയില്ല.