എനിയ്ക്ക് ഇസ്ലാമിക് സ്റ്റേറ്റിൽ ചേരണം', പോസ്റ്റ് പങ്കുവെച്ച് ഐഐടി വിദ്യാർത്ഥി

ഗുവാഹത്തി: ഇസ്ലാമിക് സ്റ്റേറ്റ്സിൽ ചേരാൻ താൽപ്പര്യം പ്രകടിപ്പിച്ച് ഐഐടി-ഗുവാഹത്തി വിദ്യാർത്ഥി. നാലാം വർഷ വിദ്യാർത്ഥിയെ ഐഐടി ക്യാമ്പസിൽ നിന്ന് കാണാതായതിന് പിന്നാലെയാണ് സോഷ്യൽ മീഡിയ പ്ലാറ്റ്‌ഫോമിലും ഇമെയിലുകളിലും ഇയാളുടെ പോസ്റ്റുകളും സന്ദേശവും എത്തിയത്.

പോലീസ് അന്വേഷണത്തിൽ അസമിലെ കാംരൂപ് ജില്ലയിലെ ഹാജോയിൽ നിന്നാണ് ഇയാളെ കണ്ടെത്തി. ബംഗ്ലാദേശിൽ നിന്ന് കടന്ന് ധുബ്രി ജില്ലയിൽ വെച്ച് ഐസിസ് ഇന്ത്യയുടെ തലവൻ ഹാരിസ് ഫാറൂഖി എന്ന ഹരീഷ് അജ്മൽ ഫാറൂഖിയും ഇയാളുടെ കൂട്ടാളി അനുരാഗ് സിംഗ് എന്ന റെഹാനും അറസ്റ്റിലായി നാല് ദിവസത്തിന് ശേഷമാണ് ഐഐടി വിദ്യാർത്ഥിയെ പിടികൂടിയതെന്ന് വാർത്താ ഏജൻസിയായ പിടിഐ റിപ്പോർട്ട് ചെയ്തു. 

ഡൽഹിയിലെ ഓഖ്‌ലയിൽ നിന്നുള്ള വിദ്യാർത്ഥിയുടെ ഹോസ്റ്റൽ മുറിയിൽ നിന്ന് "ഐഎസിൻ്റേതിന് സമാനമായ" കരിങ്കൊടിയും ഇസ്ലാമിക കയ്യെഴുത്തു പ്രതിയും കണ്ടെത്തിയതായി അസമിലെ പ്രത്യേക ദൗത്യസേന (എസ്ടിഎഫ്) അറിയിച്ചു. 

"ഞങ്ങൾ പിടിച്ചെടുത്ത വസ്തുക്കൾ പരിശോധിക്കുകയാണ്. കൂടുതൽ കാര്യങ്ങൾ പറയാൻ സമയമുണ്ട്. ഇമെയിൽ അയയ്‌ക്കുന്നതിൻ്റെ ഉദ്ദേശ്യം ഞങ്ങൾ അന്വേഷിക്കുന്നു. വിദ്യാർത്ഥി ചില വിശദാംശങ്ങൾ നൽകിയിട്ടുണ്ട്, എന്നാൽ ഇപ്പോൾ കൂടുതൽ ഒന്നും വെളിപ്പെടുത്താൻ ഞങ്ങൾക്ക് കഴിയില്ല," മുതിർന്ന പോലീസ് ഉദ്യോഗസ്ഥൻ പറഞ്ഞു.