ന്യൂഡല്‍ഹി: കോണ്‍ഗ്രസിന്റെ പ്രകടനപത്രിക എന്താണെന്ന് പ്രധാനമന്ത്രി നരേന്ദ്ര മോദിയെ വിശദമായി മനസിലാക്കി കൊടുക്കാന്‍ പാര്‍ട്ടി അധ്യക്ഷന്‍ മല്ലികാര്‍ജുന്‍ ഖാര്‍ഗെ പ്രധാനമന്ത്രിയുമായുള്ള കൂടിക്കാഴ്ചയ്ക്ക് സമയം തേടി. അധികാരത്തിലെത്തിയാൽ കോണ്‍ഗ്രസ്‌ രാജ്യത്തിൻ്റെ സമ്പത്ത് "നുഴഞ്ഞുകയറ്റക്കാർക്കും" "കൂടുതൽ കുട്ടികളുള്ളവർക്കും" വിതരണം ചെയ്യുമെന്ന് ഞായറാഴ്ച രാജസ്ഥാനിലെ ഒരു റാലിയിൽ മോദി പറഞ്ഞത് വിവാദമായിരുന്നു. ഇതിന് പിന്നാലെയാണ് കൂടിക്കാഴ്ചയ്ക്ക് ഖാര്‍ഗെ സമയം തേടിയത്.
"മുമ്പ്, അവർ (കോൺഗ്രസ്) അധികാരത്തിലിരുന്നപ്പോൾ, രാജ്യത്തിൻ്റെ സമ്പത്തിൻ്റെ ആദ്യ അവകാശം മുസ്ലീങ്ങൾക്കാണെന്ന് അവർ പറഞ്ഞിരുന്നു. ഇതിനർത്ഥം അവർ ഈ സമ്പത്ത് കൂടുതൽ കുട്ടികളുള്ളവർക്കും നുഴഞ്ഞുകയറ്റക്കാർക്കും വിതരണം ചെയ്യും. നിങ്ങൾ കഷ്ടപ്പെട്ട് സമ്പാദിച്ച പണം നുഴഞ്ഞുകയറ്റക്കാർക്ക് നൽകണോ? നിങ്ങൾ ഇത് സമ്മതിക്കുന്നുണ്ടോ?
അമ്മമാരുടെയും പെൺമക്കളുടെയും പക്കലുള്ള സ്വർണത്തിൻ്റെ കണക്കെടുക്കുമെന്നും ആ സമ്പത്ത് വിതരണം ചെയ്യുമെന്നും കോൺഗ്രസിൻ്റെ പ്രകടനപത്രിക പറയുന്നു. സമ്പത്തിൻ്റെ ആദ്യ അവകാശം മുസ്ലീങ്ങൾക്കാണെന്ന് മൻമോഹൻ സിംഗിൻ്റെ സർക്കാർ പറഞ്ഞിരുന്നു. സഹോദരീ സഹോദരന്മാരേ, ഈ അർബൻ നക്‌സൽ ചിന്തകൾ എൻ്റെ അമ്മമാരുടെയും സഹോദരിമാരുടെയും മംഗളസൂത്രങ്ങളെപ്പോലും ഒഴിവാക്കില്ല''-എന്നായിരുന്നു മോദിയുടെ പരാമര്‍ശം.
പ്രധാനമന്ത്രി നടത്തിയത് വിദ്വേഷ പ്രസംഗമാണെന്നായിരുന്നു ഖാര്‍ഗെയുടെ പ്രതികരണം. ഇത് ജനങ്ങളുടെ ശ്രദ്ധ തിരിക്കുന്നതിനുള്ള തന്ത്രമാണെന്നും അദ്ദേഹം പ്രതികരിച്ചു. കോൺഗ്രസിൻ്റെ പ്രകടനപത്രികയിൽ മുസ്ലീം, ഹിന്ദു എന്നീ പദങ്ങളെക്കുറിച്ച് പരാമർശമില്ലെന്നും അദ്ദേഹം കൂട്ടിച്ചേർത്തു.
“അധികാരം നേടുന്നതിനായി നുണകൾ പറയുകയും എതിരാളികൾക്കെതിരെ തെറ്റായ ആരോപണങ്ങൾ ഉന്നയിക്കാൻ അടിസ്ഥാനരഹിതമായ പരാമർശങ്ങൾ നടത്തുകയും ചെയ്യുന്നത് സംഘത്തിൻ്റെയും ബിജെപിയുടെയും പരിശീലനത്തിൻ്റെ പ്രത്യേകതയാണ്. ഈ രാജ്യത്തെ 140 കോടി ജനങ്ങളും ഈ നുണകളിൽ വീഴാൻ പോകുന്നില്ല. ഞങ്ങളുടെ പ്രകടനപത്രിക ഓരോ ഇന്ത്യക്കാര്‍ക്കുമുള്ളതാണ്. അത് എല്ലാവർക്കും തുല്യതയെയും നീതിയെയും കുറിച്ച് സംസാരിക്കുന്നു. കോൺഗ്രസിൻ്റെ ന്യായപത്രത്തിൻ്റെ അടിസ്ഥാനം സത്യമാണ്. എന്നാൽ ഗീബൽസിൻ്റെ രൂപത്തിലുള്ള ഏകാധിപതിയുടെ കസേര ആടിയുലയുന്നതായി തോന്നുന്നു,” അദ്ദേഹം പറഞ്ഞു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/j23rfysNACZKPKUfi3nV.jpg)