ലോക്‌സഭ തിരഞ്ഞെടുപ്പിന്റെ മൂന്നാം ഘട്ടം; ബിജെപി സ്ഥാനാര്‍ത്ഥികള്‍ക്ക് കത്തെഴുതി പ്രധാനമന്ത്രി നരേന്ദ്ര മോദി

ന്യൂഡല്‍ഹി: മെയ് 3 ന് നടക്കുന്ന ലോക്‌സഭാ തെരഞ്ഞെടുപ്പിൻ്റെ മൂന്നാം ഘട്ടത്തിൽ മത്സരിക്കുന്ന എല്ലാ ബിജെപി സ്ഥാനാർത്ഥികൾക്ക് പ്രധാനമന്ത്രി നരേന്ദ്ര മോദിയുടെ കത്ത്. ഇന്ത്യാ സഖ്യത്തിന്റെ വിഭജനവും വിവേചനപരവുമായ ഉദ്ദേശ്യങ്ങൾക്കെതിരെ വോട്ടർമാരെ ബോധവത്കരിക്കണമെന്ന് മോദി സ്ഥാനാര്‍ത്ഥികളോട് കത്തിലൂടെ നിര്‍ദ്ദേശിച്ചു.

"നമ്മുടെ വർത്തമാനവും ശോഭനമായ ഭാവിയും കെട്ടിപ്പടുക്കാനുള്ള സുവർണാവസരമാണ് ഈ തിരഞ്ഞെടുപ്പ്. അഞ്ച്-ആറ് പതിറ്റാണ്ട് നീണ്ട കോൺഗ്രസ് ഭരണത്തിൽ ഞങ്ങളുടെ കുടുംബവും കുടുംബത്തിലെ മുതിർന്നവരും അനുഭവിച്ച ദുരിതങ്ങളിൽ നിന്ന് മോചനം നേടാനുള്ള സുപ്രധാന നിമിഷമാണ് ഈ തിരഞ്ഞെടുപ്പ്. കഴിഞ്ഞ ദശകത്തിൽ, സമൂഹത്തിലെ എല്ലാ വിഭാഗങ്ങളുടെയും ജീവിതത്തിൽ നല്ല മാറ്റങ്ങൾ വരുത്തിക്കൊണ്ട് രാജ്യത്തെ ജനങ്ങളുടെ പല ബുദ്ധിമുട്ടുകളും ഇല്ലാതാക്കി," കത്തിൽ പറയുന്നു.