ജയ്പുർ: അയോധ്യയില് രാമക്ഷേത്ര പ്രാണ പ്രതിഷ്ഠാ ചടങ്ങിനെ പിന്തുണച്ച് പോസ്റ്റിട്ട രാജസ്ഥാൻ റോയൽസിന് രുക്ഷ വിമർശനം. മുംബൈ ഇന്ത്യന്സ്, ലഖ്നൗ സൂപ്പര് ജെയന്റ്സ് എന്നിവരും പ്രതിഷ്ഠാ ചടങ്ങിന് പിന്തുണയറിയിച്ച് പോസ്റ്റിട്ടിരുന്നു.
തുടർന്ന് വലിയ വിമർശനമാണ് ആരാധകർക്കിടയിൽ നിന്ന് ഉയർന്നത്. വിഷയത്തിൽ രാജസ്ഥാൻ റോയൽസിനാണ് രൂക്ഷ വിമർശനം ഏൽക്കേണ്ടി വന്നത്. അയോധ്യ ക്ഷേത്ര പ്രതിഷ്ഠയോട് അനുബന്ധിച്ച് ജയ്പുർ നഗരത്തിലെ ഒരുക്കങ്ങളുടെ ദൃശ്യങ്ങളാണ് രാജസ്ഥാൻ റോയൽസ് പങ്കുവച്ചത്.
എന്നാൽ മതപരവും രാഷ്ട്രീയവുമായ പോസ്റ്റുകൾ ടീം ഔദ്യോഗിക സമൂഹമാധ്യമ പേജുകളിലൂടെ പ്രചരിപ്പിക്കുന്നത് ശരിയല്ലന്ന് ചൂണ്ടിക്കാട്ടിയാണ് വിമർശനം ഉയർന്നത്. പേജ് അൺഫോളോ ചെയ്യുന്നതായാണ് പല ആരാധകരും പോസ്റ്റിന് താഴെ എഴുതിയത്. എന്നാൽ വിഷയത്തിൽ ചിലർ ടീമിന് പിന്തുണയറിയിക്കുകയും ചെയ്തു.