അയോധ്യ: വര്ഷങ്ങളോളം നീണ്ട പോരാട്ടത്തിനൊടുവില് രാമലല്ല ഇവിടെ എത്തിച്ചേര്ന്നുവെന്ന് പ്രധാനമന്ത്രി നരേന്ദ്ര മോദി. സുപ്രീം കോടതിയുടെ സുപ്രധാന വിധി വന്ന് നാല് വര്ഷത്തിന് ശേഷം രാമക്ഷേത്രം ഉദ്ഘാടനം ചെയ്തതിന്റെ ആത്മീയ അനുഭവത്തില് നിന്ന് താന് ഇപ്പോഴും ''വിറയ്ക്കുക''യാണ്.
രാമന് ഒരു തര്ക്കവിഷയമല്ല, ഒരു പരിഹാരമാണ്. ശ്രീരാമന് ഇന്ത്യന് ഭരണഘടനയുടെ ആത്മാവാണെന്നും അദ്ദേഹം കൂട്ടിച്ചേര്ത്തു. രാമക്ഷേത്രത്തിലെ പ്രാണ് പ്രതിഷ്ഠാ ചടങ്ങുകള്ക്ക് ശേഷം അയോധ്യയിലെ ആയിരക്കണക്കിന് ജനങ്ങളെ അഭിസംബോധന ചെയ്യുകയായിരുന്നു അദ്ദേഹം.
'ഇന്ന്, പ്രഭുരാമന്റെ ഭക്തര് ഈ ചരിത്ര നിമിഷത്തില് പൂര്ണ്ണമായും ലയിച്ചിരിക്കുന്നു എന്ന് എനിക്ക് ഉറച്ച വിശ്വാസമുണ്ട്...രാജ്യത്തിന്റെയും ലോകത്തിന്റെയും എല്ലാ കോണുകളിലും ഉള്ള രാമഭക്തര്ക്ക് ഇത് ആഴത്തില് അനുഭവപ്പെടുന്നു. ഈ നിമിഷം ദൈവികമാണ്, ഈ നിമിഷം എല്ലാറ്റിലും പവിത്രമാണ്,' അദ്ദേഹം കൂട്ടിച്ചേര്ത്തു.
രാമമന്ദിര്-ബാബറി മസ്ജിദ് തര്ക്കത്തിലെ സുപ്രധാന വിധിയെ പരാമര്ശിച്ച് ഇന്ത്യന് ജുഡീഷ്യറി നീതി ഉറപ്പാക്കുന്നുവെന്ന് പ്രധാനമന്ത്രി മോദി പറഞ്ഞു. 'ശ്രീരാമന്റെ അസ്തിത്വത്തെച്ചൊല്ലിയുള്ള നിയമയുദ്ധം ദശാബ്ദങ്ങളോളം നീണ്ടുനിന്നു. നീതി നടപ്പാക്കിയതിന് ഇന്ത്യയിലെ ജുഡീഷ്യറിയോട് ഞാന് നന്ദി അറിയിക്കുന്നു,' അദ്ദേഹം പറഞ്ഞു.
ക്ഷേത്രപ്രവേശനത്തിന്റെ ചരിത്രനിമിഷത്തെ പ്രധാനമന്ത്രി അഭിനന്ദിച്ചു. ഇന്ത്യക്കാര് 'സങ്കീര്ണ്ണമായ ഭൂതകാലം' കൈകാര്യം ചെയ്തിട്ടുണ്ടെന്നും എന്നാല് ഇപ്പോള് മുതല് ഭാവി ശോഭനമായിരിക്കുമെന്നും അദ്ദേഹം പറഞ്ഞു.
രാമക്ഷേത്രം തുറക്കുന്നതിനെ 'വിനീതമായ നിമിഷം' എന്ന് വിശേഷിപ്പിച്ച പ്രധാനമന്ത്രി, ഇന്ത്യന് പൗരന്മാരോട് വീട്ടില് രാമജ്യോതി തെളിയിക്കണമെന്ന് അഭ്യര്ത്ഥിച്ചു. ഇന്ത്യയുടെ സാമൂഹിക ഘടനയെ ചോദ്യം ചെയ്യുന്നവരെ അദ്ദേഹം പരിഹസിക്കുകയും ചെയ്തു.
'ഇന്ന് ഞാനും ഭഗവാന് ശ്രീരാമനോട് മാപ്പ് ചോദിക്കുന്നു. ഇത്രയും നൂറ്റാണ്ടുകളായി ഈ ജോലി ചെയ്യാന് പൂര്ത്തിയാക്കാന് കഴിയാതെ പോയത് നമ്മുടെ പ്രയത്നത്തിലും ത്യാഗത്തിലും തപസ്സിലും എന്തെങ്കിലുമൊക്കെ കുറവുണ്ടായിരുന്നത് കൊണ്ടാകാം. ഇന്ന് ആ ജോലി പൂര്ത്തിയായി. ശ്രീരാമന് തീര്ച്ചയായും ഞങ്ങളോട് ക്ഷമിക്കുമെന്ന് ഞാന് വിശ്വസിക്കുന്നു.'' പ്രധാനമന്ത്രി മോദി കൂട്ടിച്ചേര്ത്തു.